ەلىمىزدەگى الىپ مۇناي كومپانياسىنىڭ باسشىلىق قۇرامىنا جۇرگىزىگلەگەن تەكسەرۋ بارىسىندا كومپانيا پرەزيدەنتى ساۋات مىڭبايەۆتىڭ (ول ءارى باسقارما ءتوراعاسى) ءۇش ۆيسە-پرەزيدەنتى، 11 اعا ۆيسە-پرەزيدەنتى، 8 «قاراپايىم» ۆيسە-پرەزيدەنتى، 6 باسقارۋشى ديرەكتورى بار ەكەنى ءمالىم بولدى. وسىلايشا ساۋات مىڭبايەۆ كومەكشى باسشىلاردان كەندە ەمەس ەكەنى انىقتالدى.
ايتپاقشى، وسى قاپتاعان باسشىلاردىڭ ءبىرازى ەلىمىزدەگى ساياسي ەليتاسى وكىلدەرىنىڭ بالالارى مەن جاقىندارى ەكەن. ولاردىڭ قاتارىندا بۇرىنعى باس پروكۋرور راشيد تۇسىپبەكوۆتىڭ بالاسى جانات. وسىدان ءبىرشاما ۋاقىت بۇرىن ق ر ءبىلىم جانە عىلىم ۆيسە-مينيسترى بولعان تاحير بالىقبايەۆتىڭ ۇلى قاناتتى دا وسى قالىڭ باسشىلار اراسىنان تابۋعا بولادى. ق ر ينۆەستيسيا جانە دامۋ ءمينيسترى جەڭىس قاسىمبەكتىڭ تۋعان باۋىرى ارداقتى، كەزىندە زەينەتقا شىعۋ جاسىن كوتەرىپ، جۇرتتىڭ ىزاسىن تۋعىزعان سەرىك ابدەنوۆتى ىزدەسەڭىز «قازمۇنايگازدان» تاباسىز.
ەلىمىز ارقا سۇيەگەن الىپ كومپانيا مۇناي وندىرۋمەن قاتار ازىرشە شەندى-شەكپەندىلەردىڭ بالالارى مەن تۋىستارىن جۇمىسپەن قامتاماسىز ەتەتىن ورىن بولىپ تۇر.
