قازاقستاندىق دزيۋدوشى يسلام بوزبايەۆ باكۋدە ءوتىپ جاتقان «ۇلكەن شلەم» تۋرنيرىندە 90 كەلىگە دەيىنگى سالماقتاعىلاردىڭ اراسىندا «التىن» الدى، دەپ حابارلايدى Sports.kz.

جارتىلاي فينالدا قازاقستاندىق كۇرەس شەبەرى ازەربايجاندىق پالۋان تۋرال سافگۋلييەۆتىڭ جاۋىرىنىن جەر يىسكەتتى. فينالدا تۋرنير قوجايىنى ماممادالي مەحدييەۆپەن كەزدەسىپ، ۆازاري ادىسىمەن ەكى ۇپاي الدىعا شىقتى.

وسىلايشا، بوزبايەۆ «Grand Slam» ءتۋرنيرىنىڭ تاريحىندا التىن مەدال جەڭىپ العان ءتورتىنشى دزيۋدوشى بولىپ وتىر. بەلدەسۋلەردى كورەرمەندەر «Kazsport» تەلەارناسىنان تاماشالاي الادى.

 

دەرەككوزى: قازاقپارات