پاۆلودار وبلىسىندا حالىقارالىق جاستار كۇنى جانە جۇمىسشى ماماندىقتار جىلى اياسىندا «جاستار بولاشاعى – جارقىن قازاقستان» اتتى رەسپۋبليكالىق جاستار فورۋمى جۇمىسىن باستادى،- دەپ حابارلايدى Dalanews.kz
فورۋمعا ەلىمىزدىڭ بارلىق وڭىرلەرىنەن 120-دان استام بەلسەندى جاستار - ينجەنەرلەر، ونەركاسىپ كاسىپورىندارىنىڭ ماماندارى، IT-ازىرلەۋشىلەر، دارىگەرلەر، كاسىپكەرلەر جانە قوعامدىق ۇيىمداردىڭ وكىلدەرى جينالدى. بارلىق قاتىسۋشىلار - 35 جاسقا دەيىن، ماقساتى ايقىن، جاڭا سىناقتارعا دايىن جانە كاسىبي وسۋگە باعىتتالعان.
قازاقستان پرەزيدەنتى قاسىم-جومارت توقايەۆ دەلەگاتتارعا قۇتتىقتاۋ ءسوز سويلەپ، جاستار قوعامنىڭ قوزعاۋشى كۇشى جانە ەلدى جاڭعىرتۋدىڭ باستى قوزعالتقىشى ەكەنىن اتاپ ءوتتى. فورۋمعا قاتىسۋشىلارعا مەملەكەت باسشىسىنىڭ بەينە قۇتتىقتاۋى LED-ەكران ارقىلى كورسەتىلدى.
فورۋم جۇمىسىنا قازاقستان رەسپۋبليكاسى پرەمەر-مينيسترىنىڭ ورىنباسارى ەرمەك كوشەربايەۆ قاتىستى.
«بۇگىن مۇندا مىقتى، باسەكەگە قابىلەتتى جانە تەحنولوگيالىق جاعىنان دامىعان قازاقستاندى قالىپتاستىراتىن جاستار جينالىپ وتىر. ءبىزدىڭ ەلىمىزدە حالىقتىڭ ۇشتەن ءبىرى جاستار، ازاماتتاردىڭ ورتاشا جاسى 32 جاستى قۇرايدى جانە بۇل ۇلەس وسۋدە. سوندىقتان جۇمىسشى ماماندىقتار جىلىن جاريالاۋ ولاردىڭ بەدەلىن ارتتىرۋ جانە تەحنيكالىق ماماندىقتاردى جاستار اراسىندا تانىمال ەتۋ ءۇشىن ماڭىزدى قادام بولدى»،- دەپ اتاپ ءوتتى ۆيسە-پرەمەر.
ول ۇكىمەتتىڭ جاس قازاقستاندىقتاردى قولداۋ بويىنشا كەشەندى شارالار ىسكە اسىرىپ جاتقانىن حابارلادى:
- ستۋدەنتتىك شاكىرتاقىلار ەكى ەسەگە ۇلعايتىلدى (جۇمىس بىلىكتىلىگى بويىنشا - 43 574 تگ.، ورتا بۋىن بويىنشا - 41 896 تگ.)؛
- 4،5 مىڭ ورىندىق 17 جاتاقحانا سالىنۋدا (كوللەدج ستۋدەنتتەرىنىڭ 85%-ى تۇرعىن ۇيمەن قامتاماسىز ەتىلگەن)؛
- شەتەلدىك كوللەدجدەر مەن ۋنيۆەرسيتەتتەردىڭ فيليالدارى اشىلدى؛
- «جاسىل ەل»، «جاستار تاجىريبەسى»، «ديپلوممەن اۋىلعا» باعدارلامالارى ىسكە اسىرىلۋدا؛
- جۇمىسشى ماماندارعا ارنالعان جەڭىلدەتىلگەن «ناۋرىز»، «وتاۋ» تۇرعىن ءۇي باعدارلامالارى جانە «ناۋرىز جۇمىسكەر» جاڭا جوباسى جۇمىس ىستەيدى؛
«بولاشاق» ستيپەندياسىنا قايتا باعدارلاۋ جۇرگىزىلدى — گرانتتاردىڭ كەمىندە 60%-ى تەحنيكالىق ماماندىقتارعا بولىنەدى.
ەرمەك كوشەربايەۆ قازاقستان كادرلاردى دايارلاۋدىڭ حالىقارالىق ستاندارتتارىن بەلسەندى ەنگىزىپ جاتقانىن اتاپ ءوتتى: 10 ەلدەن كەلگەن ۇيىمدارمەن 50 مەموراندۋم جاسالدى، WorldSkills قوزعالىسىنا قاتىسۋ دامۋدا، WorldSkills Kazakhstan ۇلتتىق قۇزىرەتتىلىك ورتالىعى قۇرىلدى، ال اقتاۋدا سەگىز مەملەكەتتىڭ ماماندارىنىڭ قاتىسۋىمەن العاشقى تurkicSkills چەمپيوناتى وتكىزىلدى.
«ءبىز قوعامنىڭ جۇمىسشى ماماندىقتارعا دەگەن كوزقاراسىن وزگەرتۋىمىز كەرەك – بۇل تۇراقتىلىققا، لايىقتى جۇمىسقا جانە كاسىبي وسۋگە اپاراتىن جول»، – دەپ تۇيىندەدى پرەمەر-مينيستردىڭ ورىنباسارى.
ءىس-شارا بارىسىندا ءبىر سالادا كوپ جىلدار ەڭبەك ەتىپ كەلە جاتقان پاۆلودار وبلىسىنىڭ ەڭبەك اۋلەتى - امىرەنوۆتەر ماراپاتتالدى. ولار كومىر وندىرەتىن كاسىپورىندا 180 جىلدان استام ۋاقىت جۇمىس ىستەۋدە.
«مەن ەڭبەككە دەگەن قۇرمەت ۇرپاقتان-ۇرپاققا بەرىلگەن وتباسىندا ەر جەتتىم. مەنىڭ اتام، اكەم، اعالارىم ءومىر بويى ايماقتىڭ يگىلىگى جولىندا ايانباي ەڭبەك ەتتى. مەن سولاردىڭ جولىن جالعاستىرىپ جاتقانىمدى ماقتان تۇتامىن. مەن ءۇشىن جۇمىسشى ماماندىق – تۇراقتىلىق، لايىقتى ءومىر جانە قاجىرلى ەڭبەكتىڭ ناتيجەسىن كورۋ مۇمكىندىگى. مەن وسى فورۋمدا ءبىزدىڭ، ياعني جاس مامانداردىڭ ەلىمىزگە قاجەت ەكەنىمىزدى جانە ونىڭ دامۋىنا ءوز ۇلەسىمىزدى قوسا الاتىنىمىزعا كوز جەتكىزدىم»، - دەپ ءبولىستى اۋلەتتىڭ جاس وكىلى ەرقانات امىرەنوۆ.
پاۆلودار وبلىسىنىڭ اكىمى اسايىن بايحانوۆ وڭىردە 80 مىڭنان استام ادام جۇمىس ىستەيتىن 1000-نان استام ونەركاسىپتىك كاسىپورىن جۇمىس ىستەيتىنىن جانە ونىڭ 75%-ى جۇمىسشى ماماندىقتار ەكەنىن اتاپ ءوتتى.
«تەحنيكالىق ماماندىقتاردىڭ جاس ماماندارى ءۇشىن ءبىز ناقتى جاعدايلار جاساۋدامىز – كەپىلدى جۇمىسقا ورنالاسۋ، لايىقتى جالاقى، الەۋمەتتىك پاكەت. بۇگىنگى فورۋم – بۇل كۇش-جىگەردى بىرىكتىرۋدىڭ، جاڭا يدەيالارمەن الماسۋدىڭ جانە ەلدىڭ دامۋىنا ىقپال ەتەتىن ناقتى ۇسىنىستار ەنگىزۋدىڭ بىرەگەي مۇمكىندىگى»، - دەپ اتاپ ءوتتى ءوڭىر باسشىسى.
فورۋم پىكىر الماسۋ، وقىتۋ جانە تاجىريبەمەن ءبولىسۋ فورماتىندا ءوتتى. قاتىسۋشىلار پلەنارلىق وتىرىستار مەن تاقىرىپتىق سەسسيالارعا قاتىستى، ونەركاسىپ، بيزنەس جانە كرەاتيۆتى يندۋستريا وكىلدەرىنەن تاجىريبەلىك كەڭەستەر الدى، ترەنينگتەر، ديالوگ الاڭدارى مەن شەبەرلىك سىنىپتارىنان ءوتتى، سونداي-اق ءوڭىردىڭ جەتەكشى كاسىپورىندارىندا بولدى.
فورۋم اياسىندا «پاۆلودار – جۇمىسشى ماماندىقتار ايماعى» كورمەسى، ال كەشكە – Ertis Promenade جاعالاۋىندا «جاستار FEST» اۋقىمدى جاستار فەستيۆالى ۇيىمداستىرىلدى. تالانتتى جاستار مەن تانىمال ورىنداۋشىلاردىڭ قاتىسۋىمەن Open AIR فورماتىنداعى كونسەرتتىك باعدارلاما مىڭداعان كورەرمەندەردى شىعارماشىلىق جانە اشىق ديالوگ اتموسفەراسىنا بىرىكتىردى.
رەسپۋبليكالىق جاستار فورۋمى تەك مەرەكە عانا ەمەس، سونىمەن قاتار مەملەكەتتىك قولداۋدى، كاسىبي جانداردىڭ تاجىريبەسى مەن جاڭا بۋىن ۇرپاقتىڭ ەنەرگياسىن بىرىكتىرگەن اۋقىمدى پىكىرتالاس الاڭىنا اينالدى. مۇنداي ءىس-شارالار ەلدىڭ كادرلىق الەۋەتىن قالىپتاستىرۋعا ىقپال ەتەدى، جۇمىسشى ماماندىقتاردىڭ بەدەلىن ارتتىرادى جانە جاستاردىڭ قازاقستاندى جاڭعىرتۋعا بەلسەندى قاتىسۋىنا جاعداي جاسايدى.
