قازاقستاندا ينۆەستورلاردىڭ قۇقىقتارىن قورعاۋ جەنە ينۆەستيتسييالىق جوبالاردى ٸسكە اسىرۋداعى كەدەرگٸلەردٸ جويۋ مەسەلەلەرٸ ٷكٸمەت دەڭگەيٸندە قايتا قارالدى, دەپ حابارلايدى dalanews.kz.
قازاقستان رەسپۋبليكاسىنىڭ پرەمەر-مينيسترٸ ولجاس بەكتەنوۆ مەملەكەت باسشىسى قاسىم-جومارت توقاەۆ تاپسىرمالارىن جٷزەگە اسىرۋ شەڭبەرٸندە ينۆەستورلار قۇقىقتارىن قورعاۋ, ينۆەستيتسييالىق جوبالاردى جٷزەگە اسىرۋداعى توسقاۋىلداردى جويۋ جەنە شەتەلدٸك كاپيتالدى تارتۋ جۇمىسىن كٷشەيتۋ مەسەلەلەرٸ بويىنشا كەڭەس ٶتكٸزدٸ.
كەڭەسكە مەملەكەتتٸك ورگانداردىڭ, قر باس پروكۋراتۋراسى, «اتامەكەن» ۇلتتىق كەسٸپكەرلەر پالاتاسى, «Kazakh Invest» ۇك» اق باسشىلارى, كۆازيمەملەكەتتٸك سەكتور مەن بيزنەس ٶكٸلدەرٸ قاتىستى.
«ەلٸمٸزدٸڭ ينۆەستيتسييالىق احۋالىن جاقسارتۋ مەسەلەسٸ مەملەكەت باسشىسى قاسىم-جومارت توقاەۆتىڭ ەرەكشە نازارىندا. وسى باعىتتا ٷكٸمەت الدىندا ناقتى ماقسات-مٸندەتتەر تۇر. ٶتكەن اپتادا عانا ينۆەستورلار مەن كەسٸپكەرلەردٸ جەنە جوعارى بٸلٸكتٸ مامانداردى تارتۋ ٷشٸن قولايلى جاعداي جاساۋ ماقساتىندا كٶشٸ-قون ساياساتىن جەتٸلدٸرۋ تۋرالى پرەزيدەنتتٸڭ جارلىعىنا قول قويىلدى. بۇل قۇجات ەلٸمٸزدە قولايلى ينۆەستيتسييالىق ورتانى قالىپتاستىرۋ ٸسٸندە ماڭىزدى قادام بولىپ وتىر جەنە ساپالى شەتەلدٸك ادامي كاپيتال تارتۋ ٷشٸن جاڭا ينستيتۋتسيونالدىق جاعدايلاردى قامتاماسىز ەتەدٸ», — دەپ اتاپ ٶتتٸ قر پرەمەر-مينيسترٸ ولجاس بەكتەنوۆ.
پرەمەر-مينيستر ٶز سٶزٸندە ينۆەستيتسييالىق احۋالدى جاقسارتۋ مەملەكەت باسشىسىنىڭ تٸكەلەي باقىلاۋىندا ەكەنٸن اتاپ ٶتتٸ, سونداي-اق شەتەلدٸك كاپيتال مەن بٸلٸكتٸ مامانداردى تارتۋ ٷشٸن جاڭا ينستيتۋتسيونالدىق جاعدايلار قالىپتاستىرىلىپ جاتقانىن جەتكٸزدٸ.
«پرەزيدەنت تاپسىرماسىمەن باس پروكۋراتۋرا ينۆەستورلاردىڭ قۇقىقتارىن قورعاۋ باعىتىندا كەشەندٸ جۇمىستار جٷرگٸزۋدە. مەسەلەلەردٸڭ تٷپكٸ سەبەپتەرٸن انىقتاۋ جەنە جويۋ بويىنشا ەرەكەت ەتۋ شارالارىنان جٷيەلٸ الدىن الۋ جۇمىستارىنا كٶشۋگە باسا نازار اۋدارىلۋدا. بيزنەستٸ قىلمىستىق پروتسەسكە زاڭسىز تارتۋ فاكتٸلەرٸ مەرزٸمٸنەن بۇرىن جولى كەسٸلۋدە. 3 جىل ٸشٸندە بيزنەسكە قاتىستى قىلمىستىق ٸستەر سانى 4 ەسەگە نەمەسە 71,5%-عا ازايدى. بٸز 3 مىڭنان استام ينۆەستيتسييالىق جوبانى سٷيەمەلدەيمٸز. ينۆەستورلارمەن جەنە ٸسكەر قوعامداستىقپەن تٸكەلەي بايلانىستى تۇراقتى باقىلاۋدى قامتاماسىز ەتەمٸز», — دەپ اتاپ ٶتتٸ قر باس پروكۋرورى بەرٸك اسىلوۆ.
باس پروكۋراتۋرا ينۆەستورلاردىڭ قۇقىقتارىن قورعاۋ بويىنشا جٷيەلٸ جۇمىستار جٷرگٸزٸپ جاتقانىن, زاڭسىز قىسىم كٶرسەتۋ جاعدايلارى ازايعانىن جەنە ينۆەستيتسييالىق جوبالاردى سٷيەمەلدەۋ كٷشەيتٸلگەنٸن مەلٸمدەدٸ.
ٷكٸمەت پەن باس پروكۋراتۋرا بٸرلەسٸپ ينۆەستورلاردى قورعاۋدىڭ كٶپ دەڭگەيلٸ جٷيەسٸن ەنگٸزٸپ جاتىر. ارنايى كوميتەت قۇرىلىپ, بيزنەس مەسەلەلەرٸن جەدەل شەشۋ جۇمىستارى جولعا قويىلعان.
ينۆەستيتسييالىق شتابتىڭ پرواكتيۆتٸ رەجيمدە جۇمىس ٸستەيتٸنٸ, بيىلعى بٸرٸنشٸ توقساندا جالپى قۇنى $25,5 ملرد بولاتىن 44 جوبا قارالعانى ايتىلدى. سونىمەن قاتار ٶڭٸرلەردە ەكٸمدەر مەن پروكۋرورلاردىڭ قاتىسۋىمەن شتابتار جۇمىس ٸستەپ, بٸرقاتار ايماقتا جوبالاردى ماقۇلداۋ دەڭگەيٸ جوعارى ەكەنٸ اتاپ ٶتٸلدٸ.
سىرتقى ٸستەر مينيسترلٸگٸنٸڭ دەرەكتەرٸنە سەيكەس, ينۆەستورلاردان تٷسكەن ٶتٸنٸشتەردٸڭ باسىم بٶلٸگٸ سالىق, كەدەن, جەر جەنە قۇرىلىس سالالارىنا قاتىستى بولىپ وتىر. ولاردىڭ ەدەۋٸر بٶلٸگٸ وڭ شەشٸمٸن تاپقان.
ينۆەستورلاردىڭ قۇقىقتارىن قورعاۋ كوميتەتٸ دە ناقتى نەتيجەلەر بار ەكەنٸن مەلٸمدەدٸ: جٷزدەگەن ينۆەستوردىڭ مەسەلەسٸ شەشٸلٸپ, ٶتٸنٸشتەردٸ قاراۋ تەرتٸبٸ جەدەلدەتٸلگەن.
پرەمەر-مينيستر جٷيەلٸ پروبلەمالاردىڭ ساقتالىپ وتىرعانىن دا اتاپ ٶتتٸ. اتاپ ايتقاندا, مەملەكەتتٸك ورگاندار اراسىنداعى ٷيلەستٸرۋدٸڭ ەلسٸزدٸگٸ, جاۋاپكەرشٸلٸكتٸڭ ناقتى بٶلٸنبەۋٸ جەنە جەرگٸلٸكتٸ دەڭگەيدە ەكٸمشٸلٸك سوزبالاڭدىق فاكتٸلەرٸ بار ەكەنٸ ايتىلدى.
وسىعان بايلانىستى ٶڭٸر ەكٸمدەرٸنە ينۆەستيتسييالىق جوبالاردى جەكە باقىلاۋعا الىپ, كەدەرگٸلەردٸ جەدەل جويۋ تاپسىرىلدى. سونىمەن قاتار جەر بەرۋ, ينفراقۇرىلىمعا قوسۋ جەنە رۇقسات رەسٸمدەرٸندە ارتىق بيۋروكراتيياعا جول بەرمەۋ قاجەتتٸگٸ اتاپ ٶتٸلدٸ.
كەڭەستە تسيفرلاندىرۋ مەسەلەسٸنە دە ەرەكشە نازار اۋدارىلدى. ۇلتتىق تسيفرلىق ينۆەستيتسييالىق پلاتفورمادا مىڭداعان جوبا تٸركەلگەنٸمەن, بٸرقاتار جوبالار ەلٸ ەنگٸزٸلمەگەنٸ ايتىلدى, بۇل ٶڭٸرلەردەگٸ ناقتى جاعدايدى تولىق كٶرسەتپەۋٸ مٷمكٸن.
سونداي-اق ينۆەستيتسييالىق پروتسەستەردٸ جەڭٸلدەتۋ ٷشٸن زاڭنامانى قايتا قاراۋ, جاساندى ينتەللەكت قۇرالدارىن ەنگٸزۋ جەنە «بٸر تەرەزە» قاعيداتىن كٷشەيتۋ جوسپارلانىپ وتىرعانى بەلگٸلٸ بولدى.
جيىن قورىتىندىسى بويىنشا ٷكٸمەت ينۆەستورلارمەن جۇمىستى كٷشەيتۋ, ەكٸمشٸلٸك كەدەرگٸلەردٸ ازايتۋ جەنە بارلىق جوبالاردى بٸرىڭعاي تسيفرلىق جٷيەگە ەنگٸزۋ بويىنشا ناقتى تاپسىرمالار بەردٸ.
وسىلايشا, قازاقستاندا ينۆەستورلارعا قولايلى جاعداي جاساۋ جەنە ينۆەستيتسييالىق جوبالاردى جەدەل ٸسكە اسىرۋ باعىتىنداعى جۇمىستار جالعاسادى.
