گەرمانييادا تۇراتىن قازاقستاندىق ەيەل الماتى مەن گەرمانيياداعى ازىق-تٷلٸك باعاسىن سالىستىرىپ, كٷتپەگەن نەتيجەگە تاپ بولعان. ونىڭ ايتۋىنشا, كٶپتەگەن بازالىق تاۋار قازاقستاندا قىمباتىراق بولىپ شىققان, دەپ حابارلايدى Dalanews.kz Finratings باسىلىمىنا سٸلتەمە جاساپ.
سالىستىرۋ گامبۋرگ قالاسىنداعى Rewe دٷكەنٸ مەن الماتىداعى Magnum سۋپەرماركەتٸ اراسىندا جٷرگٸزٸلگەن. ەڭگٸمە دەليكاتەستەر تۋرالى ەمەس, كٷندەلٸكتٸ تۇتىناتىن قاراپايىم ٶنٸمدەر جايىندا بولعان.
قازاقستاندا قىمبات بولعان ٶنٸمدەر
باعا ايىرماشىلىعى ەسٸرەسە نەگٸزگٸ ازىق-تٷلٸكتەردە ايقىن بايقالادى:
• قىزاناق: الماتىدا – 3,35 ەۋرو, گەرمانييادا – 1,99 ەۋرو
• ۇن: 1,06 ەۋرو vs 0,59 ەۋرو
• سٷت: 1,54 ەۋرو vs 0,95 ەۋرو
• بانان: 2,16 ەۋرو vs 1,29 ەۋرو
سونىمەن قاتار:
• قانت: 1,13 ەۋرو vs 0,99 ەۋرو
• قويۋلاتىلعان سٷت: 2,80 ەۋرو vs 1,79 ەۋرو
• بالقىتىلعان ٸرٸمشٸك: 2,60 ەۋرو vs 1,59 ەۋرو
• Merci كەمپيتتەرٸ: الماتىدا – 13,73 ەۋرو, گەرمانييادا – 8,49 ەۋرو 
قازاقستاندا ارزانىراق ٶنٸمدەر دە بار
دەگەنمەن بارلىق ٶنٸم قىمبات ەمەس. كەيبٸر تاۋارلار قازاقستاندا ارزانىراق:
• كارتوپ – گەرمانيياعا قاراعاندا شامامەن ەكٸ ەسە ارزان
• تاۋىق ەتٸ (فيلە): 4,40 ەۋرو vs 11,32 ەۋرو
• كٷنباعىس مايى دا سەل ارزانىراق 
تولىق ٶمٸر سٷرۋ قۇنىن ەسكەرۋ كەرەك
اۆتور تەك ازىق-تٷلٸك باعاسىنا قاراپ قورىتىندى جاساۋ دۇرىس ەمەس ەكەنٸن اتاپ ٶتكەن. سەبەبٸ ٶمٸر سٷرۋ قۇنىنا:
• جالداۋ اقىسى
• ساقتاندىرۋ
• كٶلٸك شىعىندارى سيياقتى باسقا دا فاكتورلار ەسەر ەتەدٸ. 
