فۋتبولشىنىڭ ايتۋىنشا، ول الماتىدا ءوزىن وتە جايلى سەزىنەدى ەكەن.
ال قازاقتىڭ تاماعىنا كەلگەندە، ارشاۆين قازى-قارتا مەن جىلقى ەتىن قاتتى ۇناتىپ قالعانىن مويىندادى.
«قازىنى ءجيى جەپ ءجۇرمىن، بارعان جەرىمدە قازى بولسا، جەمەي تۇرا المايمىن. بۇرىن جىلقىنىڭ ەتى دەگەندە تەرىس اينالۋشى ەدىم، ءقازىر جىلقىنىڭ نەشە-تۇرلى ەتىن جەيتىن بولدىم. ءبىراق بەشبارماق دەگەندەرى ۇنامادى. سوسىن قازاقتار وزبەككە كورشى بولسا دا، پالاۋدى (پلوۆ) ونشا جاساي المايدى ەكەن. الماتىدا جۇرگەلى وزبەكستانداعىداي وتە ءدامدى پالاۋ پىسىرەتىن رەستوران كورمەدىم«، — دەپتى ول.
35 جاستاعى «قايراتتىڭ» شابۋىلشىسى ازىرگە قازاقستاننان كەتكىسى كەلمەيدى ەكەن.
«شىنىن ايتايىن، شۆەيساريا بولسىن، باسقاسى بولسىن،
مەن ورىسشا سويلەمەيتىن ەلگە بارعىم كەلمەدى. بۇل جاعىنان قازاقستان تۋرا رەسەي سياقتى، ءبارى ورىسشا،
سودان دا بولار، مەن ءوزىمدى وتە جايلى سەزىنەمىن»، — دەپ قوسىپتى.
دەرەككوز: kaz.365info.kz
