قازاقستان وزبەكستاننان گاز تاسىمالى ءۇشىن 2 ملن دوللار ءوندىرۋدى تالاپ ەتۋدە، دەپ حابارلايدى Dalanews.kz.
QazaqGaz قۇرامىنا كىرەتىن «ينتەرگاز ورتالىق ازيا» كومپانياسى وزبەكستاندىق «ۋزترانسگازعا» قارسى حالىقارالىق قارجى ورتالىعى اربيتراج ورتالىعىنا تالاپ-ارىز ءتۇسىردى. بۇل تۋرالى سالالىق ساراپشى ولەگ چەرۆينسكيي حابارلادى.
نەدەن داۋ تۋدى؟
قازاقستان تاراپى وزبەكستان گازىنىڭ ەلىمىزدىڭ اۋماعى ارقىلى ءترانزيتى ءۇشىن شامامەن 2 ملن دوللار تالاپ ەتىپ وتىر. بۇل سومانى «ينتەرگاز ورتالىق ازيا» ءوز ەسەبىمەن ەسەپتەگەن.
وزبەكستان نە دەيدى؟
«ۋزترانسگاز» بۇل تالاپپەن كەلىسپەي، ءوز كەزەگىندە قارسى تالاپ تۇسىرگەن. وزبەكستان تاراپىنىڭ ايتۋىنشا، گازدى ولشەيتىن ءتۇيىن ولاردىڭ اۋماعىندا ورنالاسقان، سوندىقتان قازاقستاننىڭ ەسەپتەۋلەرىمەن كەلىسپەيدى.
قازىرگى تاڭدا قازاقستان تاراپىنان بەرىلگەن تالاپ-ارىزدى قاراۋ ۋاقىتشا توقتاتىلعان.
