بۇدان باسقا، شارۋاشىلىقتار مەن اگروقۇرىلىمداردىڭ ماشينا-تراكتور پاركىن جاڭارتۋعا باعىتتالعان ۇلتتىق حولدينگتىڭ ليزينگ باعدارلامالارى شەڭبەرىندە «قازاگروقارجى» اق كومپانياسىمەن جيىنتىق سوماسى 18،11 ملرد. تەڭگەنىڭ 1 342 بىرلىك اۋىلشارۋاشىلىق تەحنيكاسىن جەتكىزۋگە شارتتار جاسادى. ونىڭ 817 بىرلىگى – بۇل ەگىستىك تەحنيكاسى.
اعىمداعى جىلى كوكتەمگى ەگۋ جانە جيناۋ جۇمىستارىن جۇرگىزۋگە «قازاگرو» ۇلتتىق حولدينگىنە 60 ملرد. تەڭگە سوماسىنداعى بيۋدجەتتىك نەسيە بولىنگەن. ءاشتو ءارى قاراي قارجىلاندىرۋ ءۇشىن، سونداي-اق اگرارلار ءۇشىن نەسيە رەسۋرستارىنا قولجەتىمدىلىكتى ارتتىرۋ ماقساتىندا قاراجات حولدينگتىڭ ەنشىلەس كومپانيالارى – اگرارلىق نەسيە كورپوراسياسى جانە ازىق-تۇلىك كورپوراسياسىنىڭ، سونداي-اق ەكىنشى دەڭگەيلى بانكتەردىڭ اراسىندا قارىز تۇرىندە ءبولىندى.
كەججج قارجىلاندىرۋ «قازاگرو» حولدينگى كومپانياسى توبىنىڭ مەنشىكتى قاراجاتى ەسەبىنەن دە جۇزەگە اسىرىلادى. سونىڭ ىشىندە نەسيە سەرىكتەستىكتەرىنىڭ كەڭەيتىلگەن جەلىسىن پايدالانۋ ارقىلى. بۇل اگرارلىق شارۋاشىلىقتاردى بولىنگەن بيۋدجەتتىك قاراجاتتىڭ ۇستىنەن قارجىلاندىرۋعا مۇمكىندىك بەردى. بۇگىنگى كۇنگى جاعدايدا قارجىلاندىرۋعا وتىنىمدەردى قابىلداۋ جالعاسۋدا.
2016 جىلعى كوكتەمگى-ەگىس جانە جيناۋ جۇمىستارىنىڭ ايىرىقشا ەرەكشەلىگى رەسپۋبليكادا شارۋا قوجالىقتارىن وندىرىستىك كووپەراتيۆتەرگە بىرىكتىرۋ پروسەستەرىن بەلسەندى كەڭەيتۋ بولدى. وتكەن جىلى «قازاگرو» ۇلتتىق حولدينگى پيلوتتىق رەجيمدە اۋىلشارۋاشىلىق تاۋار وندىرۋشىلەرىن قارجىلاندىرۋدىڭ جاڭا سحەماسىن ىسكە قوسقانىن ەسكە سالامىز، ول كووپەراسيا جانە ورتاق جاۋاپكەرشىلىك پرينسيپتەرىندە استىق وندىرۋشىلەرىن بىرىكتىرۋدى بولجايدى. ءۇش كووپەراتيۆتىڭ بازاسىندا ىسكە اسىرىلعان جوبا استىق ءوندىرۋشى-شارۋاشىلىقتاردى بىرىكتىرۋ جونىندەگى قوزعالىسقا ءوستى. بۇگىندە رەسپۋبليكادا «قازاگرو» حولدينگىنىڭ قارجىلاي قولداۋىمەن 10 اۋىلدىق ءوندىرىس كووپەراتيۆتەرى ەگىستىك جۇمىستارىن جۇرگىزدى، وعان ەلدىڭ ءتورت ەگىستىكپەن اينالىساتىن ايماقتارىنىڭ 200-دەن استام شارۋاشىلىعى كىردى. ۇلتتىق حولدينگتىڭ باستاماسى اۋىلداعى بيزنەستى قارجىلاندىرۋ پروسەسسىنە ەكىنشى دەڭگەيدەگى بانكتەردى بەلسەندى تارتۋدى ىنتالاندىرادى. قازىرگى ۋاقىتتا جۇمىس ىستەيتىن كووپەراتيۆتەر جالپى سوماسى 7،9 ملرد.تەڭگە سوماسىنا «بانك «Bank RBK» جانە «بانك استانا» اق ارقىلى قارجىلاندىرىلدى.
وبلىستار اكىمدىكتەرىنىڭ اۋىل شارۋاشىلىعى باسقارمالارىنىڭ دەرەكتەرى بويىنشا اعىمداعى جىلدىڭ 15 ماۋسىمىنا اۋىلشارۋاشىلىعى داقىلدارى 18،5 ملن. گا سەبىلگەن. بۇل 2016 جىلدىڭ جازدىق ەگىسىنىڭ 100% قۇرايدى.
«قازاگرو» حولدينگى» اق باسپا ءسوز قىزمەتى
