استانانىڭ قىلمىستىق ىستەر جونىندەگى اۋدانارالىق سوتىندا باس سوت تالقىلاۋى كەزىندە قايرات ساتىبالدى ۇلى ءوز كىناسىن تولىق مويىندادى، - دەپ حابارلايدى Dalanews.kz.
بۇگىن قايرات ساتىبالدى ۇلىنىڭ باستى سوت وتىرىسى باستالدى.
بۇل جولى ساتىبالدى ۇلى قىلمىستىق جولمەن الىنعان اقشانى زاڭداستىرۋ (جىلىستاتۋ) بويىنشا ايىپتالىپ وتىر.
قايرات ساتىبالدى ۇلىنىڭ ءوزى سوت زالىندا جوق. ول پروسەسكە ونلاين قوسىلۋى كەرەك ەدى، ءبىراق تەحنيكالىق اقاۋلارعا بايلانىستى مۇمكىن بولمادى. وسىعان بايلانىستى سوت ءۇزىلىس جاريالادى.
ەسكە سالايىق، 2022 جىلى ناۋرىزدا ساتىبالدى ۇلى شەتەلگە قاشىپ بارا جاتقان جەرىنەن ۇستالعان بولاتىن.
ال قىركۇيەكتە استانادا سوتى قايرات ساتىبالدىۇلىن التى جىلعا باس بوستاندىعىنان ايىرۋعا ۇكىم شىعاردى، ونىڭ مۇلكى تاركىلەندى جانە 10 جىل بويى مەملەكەتتىك قىزمەتتە جۇمىس ىستەۋگە تىيىم سالىندى. سوت بارىسىندا ساتىبالدى ۇلى "قازاقتەلەكوم" جانە "كولىك سەرۆيس ورتالىعى" كومپانيالارىنا زالالدى وتەۋ رەتىندە ونداعان ميلليارد تەڭگە تولەگەنى مالىمدەلدى. تاراپتار مەدياتيۆتىك كەلىسىم جاساستى.
2023 جىلى جەلتوقساندا قايرات ساتىبالدى ۇلى 55 ميلليارد تەڭگەدەن اسا اقشانى مەملەكەتكە قايتارعان بولاتىن. انتيكور قايرات ساتىبالدىۇلىنا جانە باسقا دا ادامدارعا قاتىستى جۇرگىزىلىپ جاتقان تەرگەۋ شەڭبەرىندە ەلدەن زاڭسىز شىعارىلعان اكتيۆتەردى، ونىڭ ىشىندە قىلمىستىق جولمەن الىنعان اقشانى جانە وزگە دە مۇلىكتى قايتارىپ جاتقانىن حابارلاعان بولاتىن.
