ەۋروپا پارلامەنتى قارا تەڭىزدىڭ قاۋىپسىزدىگىن ساقتاۋ ءۇشىن تەڭىز جانە اۋە قورعانىسىن كۇشەيتۋ تۋرالى شەشىم قابىلدادى.  11 مامىر كۇنى فرانسيادا ەۋروپا پارلامەنتى «ناتو - نىڭ قارا تەڭىزدە قاۋىپسىزدىكتى ساقتاۋ مەن ايماقتى اۋەدەن جانە سۋدان كەلەتىن قاتەرلەرگە توسقاۋىل قويۋ» تۋرالى ەرەجەلەردى بەكىتتى.  رەسەيدىڭ قىرىمدى انەكسيالاپ الۋىنان سوڭ، قارا تەڭىز ايماعىندا باتىس پەن رەسەي باسەكەسى ارتىپ كەلەدى. بىلتىردان بەرى رەسەي قارا تەڭىزدە اۋە جانە تەڭىزدە ۇلكەن كولەمدەگى  اسكەري جاتتىعۋلار جاساپ كەلەدى. سونداي- اق رەسەي ۇشاقتارى  ناتو - نىڭ تەڭىزدەگى تيەسىلى اۋە كەڭىستىگىنە ورەسكەل بۇزىپ كىرۋى ءجيى بايقالۋدا.  وسىعان  بايلانىستى ەۋروپا پارلامەنتى ناتو كۇشتەرىن سوڭعى ۇلگىدە اسكەري رادارلار مەن دالدىگى جوعارى زىمىراندارمەن جابدىقتاۋ تۋرالى شەشىمدى قابىلدادى. اقش پەن ناتو وداقتاستارى ءۇشىن قارا تەڭىز گەوساياسي ماڭىزدى ايماق بولىپ تابىلادى.

نازار تۇرىقباي ۇلى