پرەزيدەنت تٷركٸ مەملەكەتتەرٸ ۇيىمىنىڭ بەيرەسمي سامميتٸنە قاتىستى, دەپ حابارلايدى Dalanews.kz.
قاسىم-جومارت توقاەۆ تٷركٸ مەملەكەتتەرٸ ۇيىمىنىڭ بەيرەسمي سامميتٸن كٶنە بۋداپەشت شاھارىندا ٶتە جوعارى دەڭگەيدە ۇيىمداستىرعانى ٷشٸن ماجارستاننىڭ پرەمەر-مينيسترٸ ۆيكتور وربانعا ريزاشىلىعىن بٸلدٸردٸ.
– بٷگٸنگٸ القالى جيىننىڭ ەۋروپا تٶرٸندە ٶتۋٸنٸڭ ايرىقشا مەنٸ بار. بٸز ماجار جۇرتىنىڭ قارت قۇرلىقتا تۇعىرلى مەملەكەت بولىپ وتىرعانىنا دەن ريزامىز. بٷگٸن بەرٸمٸزدٸ تٷبٸ بٸر تٷركٸ باۋىرلارىم دەپ قۇشاق جايا قارسى الىپ جاتسىزدار. مۇنى, شىن مەنٸندە, مىزعىماس دوستىعىمىزدىڭ ايقىن كٶرٸنٸسٸ دەپ سانايمىن. بٸز ىنتىماعى جاراسقان ەلدەرٸمٸزدٸڭ بٸرلٸگٸن بەكەمدەپ, تامىرى بٸر تاريحىمىز بەن سالت-دەستٷرلەرٸمٸزدٸ ۇلىقتاپ كەلەمٸز, – دەدٸ پرەزيدەنت.
مەملەكەت باسشىسىنىڭ ايتۋىنشا, "شىعىس پەن باتىس توعىسقان تۇس" اتاۋىمەن ۇيىمداستىرىلعان سامميت الىپ قۇرلىقتىڭ ۇلان-عايىر اۋماعىن يەلەنٸپ جاتقان تٷركٸ ەلدەرٸنٸڭ مٷددەسٸنە, ستراتەگييالىق ماقسات-مٸندەتٸنە ساي كەلەدٸ. قازٸرگٸ كٷردەلٸ گەوساياسي جاعدايدا ۇيىم اياسىنداعى ىنتىماقتاستىقتىڭ مەنٸ تٸپتٸ ارتتى.
بۇل رەتتە قاسىم-جومارت توقاەۆ تٷركٸ جۇرتىنىڭ تاتۋلىعى مەن ٶزارا بايلانىسىن نىعايتۋ, تۇتاستىعىن بەكەمدەي تٷسۋ ماقساتىندا قازاقستان قابىلداعان كەشەندٸ شارالارعا توقتالدى.
"اتاپ ايتساق, تٷركٸ مەملەكەتتەرٸ ۇيىمىنىڭ جانىنداعى قازاقستاننىڭ تۇراقتى ٶكٸلٸن تاعايىندادى. كٶپ ۇزاماي تۇراقتى ٶكٸلدٸك اشۋدى جوسپارلاپ وتىرمىز. استانادا 11-12 ماۋسىم كٷندەرٸ تٷركٸ مەملەكەتتەرٸ پارلامەنتتٸك اسسامبلەياسىنىڭ XIV پلەنارلىق وتىرىسى ٶتەدٸ. اقتاۋ قالاسى بيىل تٷركٸ ەلەمٸنٸڭ مەدەني استاناسى رەتٸندە جارييالاندى. وسى مەرتەبەلٸ مٸندەتتٸ جوعارى دەڭگەيدە اتقارۋ ٷشٸن ناقتى ٸس-شارالار قولعا الىندى. قازاقستاننىڭ باستاماسىمەن ٶتكەن اپتادا ورتالىق سايلاۋ ورگاندارىنىڭ كونسۋلتاتيۆتٸك پلاتفورماسى قۇرىلدى. ونىڭ العاشقى وتىرىسى كيەلٸ تٷركٸستان قالاسىندا تابىستى ٶتتٸ. ورتاق كەلٸسٸم بويىنشا بيىل ماۋسىم ايىنان باستاپ الماتى قالاسى "تٷركٸ مەملەكەتتەرٸ ۇيىمىنىڭ جاستار استاناسى" اتانادى. وسىلايشا, بٸز تٷركٸ بٸرلٸگٸن نىعايتامىز", – دەدٸ پرەزيدەنت.
