پاۆلودار وبلىسىندا ءۇي قۇستارى جاپپاي قىرىلىپ جاتىر. ولاردىڭ سانى 2،3 مىڭعا جەتتى، دەپ حابارلايدى Dalanews.kz.
“2025 جىلدىڭ 3 قىركۇيەگىنەن 8 قازانىنا دەيىن پاۆلودار وبلىسىنىڭ تەرەڭكول، اقتوعاي، شارباقتى، جەلەزين جانە ەرتىس اۋداندارىنداعى سەگىز ەلدى مەكەننىڭ 44 جەكە اۋلاسىندا ءۇي قۇستارىنىڭ اۋرۋعا شالدىعۋى جانە قىرىلۋ دەرەكتەرى تىركەلدى”، — دەپ مالىمدەدى وبلىستىق ۆەتەريناريا باسقارماسى.
رەسمي مالىمەتكە سايكەس، قىرىلعان قۇستاردىڭ جالپى سانى 1713 باستان 2256 باسقا دەيىنوسكەن.
ءقازىر ۆەتەريناريالىق قىزمەت وكىلدەرى اۋىلداردى كۇن سايىن ارالاپ، ءۇي قۇستارىن نىسانالى تۇردە ەمدەۋ، قىرىلعان قۇستاردى ەسەپكە الۋ جانە جويۋ جۇمىستارىن جۇرگىزىپ جاتىر.
زەرتحانالىق تەكسەرۋ ءۇشىن سىنامالار ۆەتەريناريانىڭ ۇلتتىق رەفەرەنتتىك ورتالىعىناجىبەرىلدى. وندا ماتەريالدار جوعارى پاتوگەندى قۇس تۇماۋى، نيۋكاسل اۋرۋى، پاستەرەللەزجانە سالمونەللەز سىندى ءقاۋىپتى ىندەتتەرگە تەكسەرىلەدى.
