شاحباز شاريف قازاقستان پرەزيدەنتٸن يسلامابادتا ىستىق ىقىلاسپەن قارسى الدى, دەپ حابارلايدى Dalanews.kz.
"ەلٸمٸزگە ارنايى ۋاقىت تاۋىپ كەلگەنٸڭٸز ٷشٸن سٸزگە العىس ايتامىز. پەكٸستان حالقىمەن, ٷكٸمەتٸمەن بٸرگە سٸزدٸ قارسى العانىما قۋانىشتىمىن. قازاقستان – بٸزدٸڭ ستراتەگييالىق سەرٸكتەسٸمٸز. دوستىعىمىزدى نىعايتىپ, ەكونوميكانىڭ تٷرلٸ باعىتتارىندا, ساياسات, قورعانىس سالالارىندا سەنٸمدٸ سەرٸكتەستٸك ورناتۋ, سونداي-اق ساۋدا دەلٸزدەرٸن قالىپتاستىرۋ ماقساتىندا قازاقستان ٷكٸمەتٸمەن تىعىز قارىم-قاتىناستا جۇمىس ٸستەگٸمٸز كەلەدٸ. بۇعان كٷمەنٸڭٸز بولماسىن", – دەدٸ پرەمەر-مينيستر.
شاحباز شاريفتٸڭ ايتۋىنشا, پەكٸستان مەن قازاقستاننىڭ ساۋدا-ەكونوميكالىق ىنتىماقتاستىقتى, سونىڭ ٸشٸندە ەنەرگەتيكا, ٶنەركەسٸپ, اۋىل شارۋاشىلىعى, كٶلٸك, تسيفرلاندىرۋ سالالارىنداعى سەرٸكتەستٸكتٸ دامىتۋدا ەلەۋەتٸ جەتكٸلٸكتٸ.
پرەمەر-مينيستر ەكٸجاقتى قارىم-قاتىناستىڭ بارلىق باعىتى بويىنشا ناقتى ەرٸ ەلەۋلٸ پروگرەسس قاجەت ەكەنٸنە نازار اۋداردى.
كەلٸسسٶز سوڭىندا قاسىم-جومارت توقاەۆ پەن شاحباز شاريف ەكٸ ەل حالىقتارىنىڭ يگٸلٸگٸ ٷشٸن سان قىرلى ىنتىماقتاستىقتى ودان ەرٸ تەرەڭدەتۋگە مٷددەلٸ ەكەنٸن راستادى.
