وزبەكستان رەسپۋبليكاسىنىڭ حالقى 2016 جىلدىڭ 1 شىلدەسىندە 31،807 ملن بولدى. تۇرعىندار سانى جىل باسىنان بەرى 231،7 مىڭ ادامعا نەمەسە 0،7 پايىزعا كوبەيدى. بۇل تۋرالى سا-News اگەنتتىگى وزبەكستاننىڭ ستاتيستيكا جونىندەگى مەملەكەتتىك كوميتەتىنە سىلتەمە جاساپ حابارلادى.
ەلدەگى قالا تۇرعىندارىنىڭ سانى 16،11 ملن بولسا (حالىقتىڭ 50،6 پايىزى)، اۋىل تۇرعىندارى - 15 ميلليون (49،4 پايىز).
2016 جىلدىڭ قاڭتار-ماۋسىم ايلارىندا 318 مىڭ بالا دۇنيەگە كەلگەن.
بيىلعى جارتى جىلدا 92،4 مىڭ نەكە تىركەلسە، 14،8 مىڭ جۇپ اجىراسقان.
2016 جىلدىڭ العاشقى جارتىسىندا رەسپۋبليكاعا 72 مىڭ ادام كوشىپ كەلسە، 84،4 مىڭى ەلدەن كوشىپ كەتكەن.
