اعىمداعى جىلدىڭ قاڭتارىندا ءوڭىر باcشىسىنىڭ وبلىستىق مەشىتتىڭ جۇمىسىمەن تانىسۋى بارىسىندا باس يمام ەرمەك قاجى مۇقاتاي اۋدانداردى ارالاۋ ءۇشىن اۆتوكولىك قاجەتتىلىگىن جەتكىزگەن.
سول كەزدە دانيال احمەتوۆ بيۋدجەتتىك ەمەس قارجى كوزدەرىن تارتا وتىرىپ، اتالمىش ماسەلەنى شەشۋگە قولداۋ كورسەتەتىنىن ايتقان بولاتىن.
بۇگىن ايماق باسشىسى "حاليفا التاي" مەشىتىنە ارنايى بارىپ، جاڭا Toyota Camry اۆتوكولىگىن تابىستادى. دانيال احمەتوۆ كولىكتى الۋعا قولداۋ كورسەتكەن «وسكەمەن قۇرىلىس» كومپانياسىنىڭ ديرەكتورى ەرجان ىسقاقوۆقا العىسىن ءبىلدىردى.
سونىمەن قاتار، وبلىس اكىمى بيىلعى كوكتەمدە مەشىت عيماراتىنىڭ استىندا ورنالاسقان كولىك تۇراعىنىڭ توبەسىنەن سۋ اعۋدى توقتاتۋ ءۇشىن جوندەۋ جۇمىستارى باستالاتىندىعىن ايتتى.
وبلىس اكىمىنىڭ باقىلاۋعا العان تاعى ءبىر ماسەلەسى – مەشىتتىڭ جانىنان 50-60 ورىندىق مەدرەسە سالۋ بولاتىن. دانيال احمەتوۆ قالالىق اكىمدىككە مەدرەسە عيماراتى ءۇشىن مەشىتتىڭ جانىنان جەر ءبولۋدى تاپسىردى.
