كەشە شىققان بانك سەكتورىنىڭ ستاتيستيكاسى قايران قالدىردى. ٶتكەن ايدا سبەربانكتٸڭ مەنشٸكتٸ كاپيتالى 268 ميلليارد تەڭگەنٸ قۇراعان ەدٸ. ەندٸ سول كاپيتال مينۋس 10 ميللياردقا قۇلدىراپ كەتكەن.
بٸر ايدا 279 ميلليارد تەڭگە قايدا جوعالىپ كەتتٸ? بۇل سوما قوزعالىسى بانكتٸڭ كٸرٸستەر مەن شىعىستار بالانسىندا كٶرٸنبەگەندٸكتەن, رەسەيلٸكتەر ديۆيدەند رەتٸندە ٶزٸنە اۋدارىپ الدى دەپ ساناۋعا تولىق نەگٸز بار.
بۇل نەنٸ بٸلدٸرەدٸ? "بەيتەرەك" حولدينگٸ بوس بانكتٸ الۋعا دايىن با ەلدە ولار المايتىن بولعاندىقتان رەسەيلٸك اكتسيونەرٸ بولىپ تابىلاتىن سبەر وسىنداي قادامعا بارىپ وتىر ما?
قالاي بولعاندا دا, وسى شٸلدەدەن باستاپ سبەربانك پرۋدەنتسيالدى نورمالاردى ورىنداپ وتىرعان جوق. جەنە قنردا ٷشٸن سبەربانك ليتسەنزيياسىن تارتىپ الۋعا بارلىق مٷمكٸندٸك بار.
رەسەيلٸكتەر تاراپىنان بٸرتٷرلٸ ماحيناتسييالاردىڭ بارلىعى سبەربانكتٸ جاقسى دەڭگەيگە كٶتەرگەن باسقارما تٶراعاسى ەلدار تەڭٸزباەۆ كەتكەننەن كەيٸن باستالدى. بۇرىن تەڭٸزباەۆ سبەرگە باعىنسا دا, رەسەيلٸكتەردٸڭ "بەسپرەدەل" جاساۋىنا جول بەرمەيتٸن.
