ورداباسى اۋدانىندا "ورداباسى نان" جاۋاپكەرشىلىگى شەكتەۋلى سەرىكتەستىگى زاماناۋي ۇلگىدەگى تۇرىك تەحنولوگيالارىن پايدالانىپ، ساپالى ۇن ءونىمىن ءوندىرىپ كەلەدى.



ءونىم حالىقارالىق دەڭگەيدەگى مەملەكەتتىك تالاپتارعا ، ال ءوندىرىس قوندىرعىلارى حالىقارالىق ستاندارتقا سايكەستەندىرىلگەن. العاش رەت جۇمىسىن 2008 جىلدىڭ ءىى توقسانىندا باستاعان سەرىكتەستىك 2015 جىلى ءوندىرىس قۋاتتىلىعىن ارتتىرۋ ماقساتىمەن ديرىمەن قۇرىلىسىن ۇلعايتىپ، تۇرىك تەحنولوگياسىمەن جاڭا قوندىرعىلار ورناتتى.

وسىلايشا تاۋلىگىنە 250 توننا ءونىم وندىرەتىن ديىرمەندى ىسكە قوستى. بۇل جوبانىڭ ينۆەستيسيالىق قۇنى 470 ملن تەڭگەنى قۇرادى، ءوز قارجىسى 280،0 ملن.تەڭگە بولسا، قالعانىن «بيزنەستىڭ جول كارتاسى – 2020» مەملەكەتتىك باعدارلاماسىنىڭ «ءوندىرىس-2» جەلىسى بويىنشا 6 پايىزبەن 7 جىل مەرزىمگە «دامۋ» كاسىپكەرلىكتى قولداۋ قورى» ارقىلى نەسيە رەتىندە بەرىلدى.

بۇگىنگى تاڭدا "ورداباسى نان" ونىمدەرى وتاندىق نارىقپەن قاتار، اۋعانستان، قىرعىزستان، وزبەكستان ەلدەرىنە ەكسپورتتاۋدا. سەرىكتەستىك ديرەكتورى باۋىرجان ساپارىمبەتوۆتىڭ مالىمدەۋىنشە، بۇگىندە ديىرمەندە 50-گە جۋىق ازامات جۇمىسپەن قامتىلعان.

 

https://dalanews.kz/31285