«جۋرناليستيكا – قىزىعى مەن قيىندىعى مول، زور جاۋاپكەرشىلىكتى قاجەت ەتەتىن كاسىپ. سىزدەر پرەزيدەنتىمىزدىڭ جاسامپاز يدەيالارىنىڭ توڭىرەگىنە قوعامدى توپتاستىرۋ، ۇلتتى ۇيىستىرۋعا زور ۇلەس قوسىپ كەلەسىزدەر. دەمەك، قانداي دا ءبىر اقپارات كوزىنىڭ ءسوزى - قوعامدىق پىكىر قالىپتاستىرۋدىڭ تەمىرقازىعى ىسپەتتى. سوندىقتان دا ءاربىر ءسوزدى، ءاربىر وقيعانى تاراتۋدا شىنايىلىق پەن ادالدىق قاعيدالارىن ساقتاي وتىرىپ ارەكەت ەتۋلەرىڭىز بارىنشا ماڭىزدى دەپ بىلەمىن»، - دەدى ءوڭىر باسشىسى.
مۇنان سوڭ، ايماق باسشىسى اتالعان سالادا تالاي جىلداردان بەرى قىزمەت ەتىپ، قوعامداعى كۇرمەۋلى ماسەلەلەردى قوزعاپ جۇرگەن جۋرناليستەردى ماراپاتتادى.
سونىمەن، «وڭتۇستىك قازاقستان وبلىسىنىڭ قۇرمەتتى ازاماتى» اتاعىنا «وتىرار» تەلەارناسىنىڭ ديرەكتورى ۆالەنتينا كۋليكوۆا يە بولسا، «وبلىسقا سىڭىرگەن ەڭبەگى ءۇشىن» مەدالى «ق ر مادەنيەت قايراتكەرى»، «قازاقستاننىڭ قۇرمەتتى ءجۋرناليستى» قالىبەك اتجان، جۋرناليستيكا ارداگەرى سۇحانبەردى ورازالييەۆ جانە «رابات» گازەتىنىڭ باس رەداكتورى فاريدا شارافۋتدينوۆاعا تابىستالدى.
ۇزدىك جاريالانىم نوميناسياسى بويىنشا «ۇزدىك تەلەارنا» اتالىمىن «وتىرار» تەلەارناسى السا، «ەڭ ۇزدىك ايماق ءتىلشىسى» نوميناسياسىن «زاڭ»، «قازاقستان زامان» گازەتتەرىنىڭ مەنشىكتى ءتىلشىسى شاديار مولدابەك پەن «24 kz» تەلەارناسىنىڭ مەنشىكتى ءتىلشىسى كاتەرينا پوپكوۆا، «ۇزدىك باسىلىم» نوميناسياسىن «شىمكەنت كەلبەتى» مەن «ۋاقىت» گازەتتەرى، «التىن قاۋىرسىن» نوميناسياسىن «وڭتۇستىك قازاقستان» گازەتىنىڭ ءتىلشىسى عابيت ساپاربەكوۆ، «التىن ميكروفون» نوميناسياسىن «قازاقستان-شىمكەنت» تەلەارناسىنىڭ ءتىلشىسى تورەبەك بايتاسوۆ، «ۇزدىك اقپاراتتىق اگەنتتىك» نوميناسياسىن Rgmedia.kz اقپاراتتىق پورتالى، «ۇزدىك اۋداندىق، قالالىق باسىلىم» اتالىمىن «ورداباسى وتتارى» گازەتى ەنشىلەدى. مۇنان بولەك، 9 تىلشىگە وبلىس اكىمىنىڭ گراموتاسى، 11 جۋرناليستكە وبلىس اكىمىنىڭ العىس حاتى بەرىلدى.
سونىمەن بىرگە، 18 ادامعا تۇركيا رەسپۋبليكاسىنا جولداما بەرىلسە، «تۇركىستان – تۇركى الەمىنىڭ مادەني استاناسى» شاراسىنا بەلسەنە قاتىسقانى ءۇشىن 10 ازامات وبلىس اكىمىنىڭ العىس حاتىمەن ماراپاتتالدى.
ب ا ق وكىلدەرى قۇرمەتتەلگەن شارادا ءبىرقاتار قالام ۇستاعان وكىلدەر وبلىس ءماسليحاتىنىڭ گراموتاسىمەن، العىس حاتىمەن، ق ر ورتالىق كوممۋنيكاسيالار قىزمەتىنىڭ العىس حاتىمەن، ق ر جۋرناليستەر وداعى وقو فيليالى تاراپىنىڭ ارنايى نوميناسيالارىمەن، وبلىستىق ىشكى ساياسات باسقارماسىنىڭ العىس حاتىمەن ماراپاتتالدى. سونداي-اق، سالتاناتتى وتىرىستا وبلىستىق ب ا ق وكىلدەرى اراسىندا وتكەن «كاسىپكەردەن 10 كەڭەس» بايقاۋى مەن «وتانسۇيگىشتىك – مەملەكەتتىك رامىزدەردى قۇرمەتتەۋدەن باستالادى» بايقاۋىنىڭ جەڭىمپازدارى قۇتتىقتاپ، الەۋمەتتىك جەلىدە بەلسەندىلىك تانىتىپ جۇرگەن ءبىرقاتار بلوگەرلەر وبلىستىق ىشكى ساياسات باسقارماسىنىڭ سىيلىعىمەن ماراپاتتالدى.
بايلانىس جانە اقپارات قىزمەتكەرلەرىنىڭ كۇنىندە جۋرناليستەر قاۋىمىنا كونسەرتتىك باعدارلاما ۇسىنىلىپ، مەرەكەلىك كوڭىل-كۇي سىيلاندى.
