وڭتۇستىك قازاقستان وبلىسىندا ۇلى جەڭىستىڭ 72 جىلدىعىنا وراي سوعىسقا قاتىسۋشى مايدانگەرلەرگە 100 ايلىق ەسەپتىك كورسەتكىش كولەمىندە، ياعني، 226،9 مىڭ تەڭگە  ءبىرجولعى ماتەريالدىق كومەك بەرىلدى. ال، ولارعا تەڭەستىرىلگەن جانە تىل ارداگەرلەرىنە 5 اەك، ياعني، 11345 تەڭگە مولشەرىندە ءبىرجولعى الەۋمەتتىك قولداۋ كورسەتىلدى. سونىمەن قوسا 233 ۇوس ارداگەرىنىڭ ۇيىنە ارنايى قۇتتىقتاپ بارىپ، 100 مىڭ تەڭگەنىڭ كولەمىندە سىي-سياپات جاسالىپ، قۇرمەت كورسەتىلۋدە.

بۇگىندە وت پەن وقتىڭ اراسىنان ەلگە ورالعان مايدانگەرلەردىڭ بۇگىندە 233 ۇوس ارداگەرى، ال، 996-سى سوعىسقا قاتىسۋشىلار مەن مۇگەدەكتەرىنە  تەڭەستىرىلگەندەر بولسا،  19 199-ى تىلدا ەڭبەك ەتكەندەر.

ۇرپاقتىڭ باقىتتى بولاشاعى مەن بەيبىت ءومىر ءسۇرۋى ءۇشىن شايقاسقان ۇوس ارداگەرلەرىنە جىل سايىن الەۋمەتتىك قولداۋلار مەن قۇرمت كورسەتىلىپ كەلەدى. ماسەلەن، ولارعا مەديسينالىق كومەك رەسپۋبليكالىق ءارى وڭىرلىك دەڭگەيدە اقىسىز كورسەتىلەدى. سونىمەن قاتار جىل سايىن اعا ۇرپاق وكىلدەرىن ساۋىقتىرۋ ماقساتىندا 7،8 مىڭ جەكەلەگەن ساناتتاعى ازاماتتارعا وبلىستاعى ءتۇرلى  ساۋىقتىرۋ ورتالىقتارىنا جولداما بەرىلەدى.

سونداي-اق، وڭىردە «قامقورلىق» اكسياسى شەڭبەرىندە دەمەۋشىلەر ەسەبىنەن  ۇلى وتان سوعىسى ارداگەرلەرىنە 8،4 ملن. تەڭگەگە دەمەۋشىلەر ەسەبىنەن كوممۋنالدىق جەڭىلدىكتەرگە كومەك كورسەتىلدى.

 

وقو اكىمىنىڭ باسپا ءسوز قىزمەتى