قازاقستان رەسپۋبليكاسى پرەزيدەنتىنىڭ «قازاقستاننىڭ ءۇشىنشى جاڭعىرۋ: جاھاندىق باسەكەگە قابىلەتتىلىك» اتتى حالىققا جولداۋىنىڭ ەكونوميكانىڭ جەدەلدەتىلگەن تەحنولوگيالىق جاڭعىرتىلۋى مەن «سيفرلىق قازاقستان» مەملەكەتتىك باعدارلاماسىنىڭ حالىق پەن بيزنەستىڭ مەملەكەتتىك كورسەتىلەتىن قىزمەتتەرگە قولجەتىمدىلىگىن، اقپاراتپەن الماسۋدى تەزدەتۋ اياسىندا وڭتۇستىك قازاقستان وبلىسى اكىمدىگى تاراپىنان جالپى اشىق كونكۋرس «حاكاتون» حاكەرلىك مارافونى ۇيىمداستىرىلۋدا. ماۋسىم ايىنىڭ  19-20 ارالىعىندا وتەتىن شاراعا  IT-سالاسىنىڭ ءتۇرلى دەڭگەيدەگى ماماندارى قاتىساتىن بولادى.

بارشا اقپاراتتىق تەحنولوگيالار سالاسى بويىنشا ماماندىق يەلەرى مەن وزىنە سەنىمدى، تالاپشىل، وزگەشە ويلاۋ قابىلەتىنىڭ تالانت يەلەرىنە حاكاتونعا قاتىسۋعا مول مۇمكىندىك تۋىپ وتىر.

تالانت يەلەرىنە بەرىلەر جۇلدە قورى دا قوماقتى.  ءبىرىنشى ورىنعا – 1 ميلليون تەڭگە، ەكىنشى ورىنعا 500 مىڭ تەڭگە، ءۇشىنشى ورىنعا 250 مىڭ تەڭگە سىيلىقتار بەرىلەدى.  بارلىق قاتىسۋشىلار نازاردان تىس قالماي، ارنايى سىيلىقتارمەن ماراپاتتالادى. ەڭ جاقسى، تىڭ يدەيالى جوبالارعا ساراپشىلار گرانتتار بەرۋ بويىنشا مۇمكىندىك قاراستىراتىن بولادى.

قاتىسۋعا نيەت بىلدىرگەندەر  on-startup.kz  سىلەتەمەسى ارقىلى تىركەلە الادى.

 

وقو اكىمىنىڭ  باسپا ءسوز قىزمەتى