ولار سۇلۋ، نازىك...قازاق قىزدارى قىتايدىڭ جىگىتتەرىن قاتتى قىزىقتىرادى

Dalanews 12 قاڭ. 2017 11:50 549

 قازاقستان رەسپۋبليكاسىنداعى جۇڭگو حالىق رەسپۋبليكاسىنىڭ توتەنشە جانە وكىلەتتى ەلشىسى چجان حانحۋەي جۇڭگو ازاماتى مەن قازاق قىزدارىنىڭ اراسىنداعى نەكەگە قاتىستى ويىن ءبىلدىردى.

بۇل  قازاقپارات حابارلايدى.

«ەكى ەل ازاماتتارى نەكەلەسىپ جاتاتىن جايتتار كەزدەسەدى. قازاقستاننىڭ كوپ ازاماتتارى قىتايعا جۇمىس بابىمەن نەمەسە وقۋعا كەلەدى دە، قىتايدا قالىپ قويىپ جاتادى. قازاق مادەنيەتىن دارىپتەپ جۇرگەن ادامدار بار، جۇڭگو تۇرعىندارى سول ادامدار ارقىلى قازاقستاننىڭ سالت-داستۇرىمەن تانىسا الادى. بۇنداي نەكەلەردى ءبىز قۇپ كورەمىز دەپ ايتا المايمىن، بۇل - تابيعات زاڭى. ءبىراق، جاقسى دەپ ويلايمىن. بۇل - ءبىزدىڭ حالىقتار اراسىندا ءداستۇرلى دوستىق بار دەگەن ءسوز، سول دوستىق جەمىسىن بەرىپ جاتىر دەگەن ءسوز»، - دەيدى ول.

ەلشىنىڭ ايتۋىنشا، قازاق قىزدارى جۇڭگو ازاماتتارىن قاتتى قىزىقتىرادى.
«قىتايدان كەلiپ، جەرگiلiكتi قىزدارعا ۇيلەنiپ جاتقانىن بiلەمiن. مۇنداي جاعدايلار كوپ. بۇل - قالىپتى ءتاجiريبە. ەشكiم ەشكiمدi شەكتەمەيدi. قىتايلىق تاراپتان ەشقانداي كەدەرگiلەر جوق. بiراق، ارينە، ەكi جاقتىڭ دا نيەتi بولۋى كەرەك. قازاقستاندىق قىزدار قىتايلىق جiگiتتەردى وتە قاتتى قىزىقتىرادى. سەبەبى ولار وتە سۇلۋ، ءنازiك، جوعارى بiلiمدi، اتا-انالارىن، ۇلكەن كiسiلەردi سىيلايدى، وتباسىلارىن جاقسى كورەدi. ءداستۇرiمiز بويىنشا بiزدە ۇقساستىقتار كوپ»، - دەيدى ول.

ەستەرىڭىزگە سالا كەتەيىك، استانادا قازاق قىزدارىن قالتالى جۇڭگو جىگىتتەرىمەن تانىستىراتىن نەكە اگەنتتىگى اشىلىپ، قوعام نارازىلىعىن تۋدىردى.

ۇسىنىلعان
سوڭعى جاڭالىقتار