شەرزات ٸسٸ بويىنشا سوتتا پوليتسەي مەدەت ەدٸلجان شەرزات پەن نۇرقاناتقا كٷدٸكتٸلەردٸڭ ٸشٸندە كٸم پىشاق سالعانىن ايتتى, دەپ حابارلايدى Dalanews.kz.
ول وقيعا بولعان كٷنٸ مارقۇم شەرزات پولاتتىڭ نەمەرە اعاسى نۇرقانات عايىپباەۆتان جاۋاپ العان.
"جاۋاپ الۋ كەزٸندە نۇرقانات عايىپباەۆ شەرزاتتى ابزال شىناسىل, ٶزٸن ازامات توقتاباەۆ پىشاقتادى دەپ سول كٸسٸلەردٸڭ سۋرەتتەرٸن كٶرسەتتٸ", – دەدٸ ەدٸلجانوۆ سوتتا.
ەسكە سالايىق, بۇعان دەيٸن شەرزاتتىڭ ٶلٸمٸنە قاتىستى سوت پروتسەسٸندە مەملەكەتتٸك ايىپتاۋشى مارقۇم نۇرقانات عايىپباەۆتىڭ تەرگەۋ كەزٸندە بەرگەن جاۋاپتارىن وقىپ بەرگەن بولاتىن. نۇرقانات بۇل ٸس بويىنشا جەبٸرلەنۋشٸ رەتٸندە تانىلعان.
ونىڭ ايتۋىنشا, وقيعا كٷنٸ ول قاماجاي دٷكەنٸنٸڭ قاسىنداعى ەت دٷكەنٸنە ەت ەكەلگەن. بۇل شامامەن كەشكٸ ساعات 19:00-19:30 ارالىعى بولعان. سول كەزدە بولات نۇرىموۆ حابارلاسىپ, ٷيگە قاۋىن الىپ كەلۋدٸ سۇراعان. شەرزاتپەن بٸرگە دٷكەن ٸشٸن رەتتەپ, تازالاپ بٸتٸرگەندە ساعات 20:00 شاماسى ەدٸ. نۇرقاناتتىڭ سٶزٸنشە, شەرزات كٷن بويى قاسىندا بولىپ, بٸرگە مال سويعان. ٷيگە قايتۋعا ۇسىنىس جاساعاندا شەرزات "نۇرقانات اعا, سٸز ٷيگە قايتىڭىز, مەن دٷكەندٸ جيناستىرىپ, ارتىنان بارامىن" دەگەن. نۇرقانات ٷيٸنە ٶزٸ قايتىپ, كەشكٸ اسىن ٸشكەن سوڭ ۇيىقتاعان. تٷنگٸ ساعات 23:00 شاماسىندا جەڭگەسٸ وياتىپ, قارجاۋباي اعاسىنىڭ شۇعىل دٷكەنگە شاقىرىپ جاتقانىن جەتكٸزگەن.
تەلەفون ارقىلى سٶيلەسكەندە قارجاۋباي اعاسى شەرزاتتىڭ بٸرەۋمەن تٶبەلەسٸپ قالعانىن ايتقان. وسىدان كەيٸن نۇرقانات ەكەسٸنٸڭ كٶلٸگٸن مٸنٸپ, دٷكەنگە بارعان.
دٷكەننٸڭ الدىندا دارحان ەسٸمدٸ جٸگٸت تۇرعانىن كٶرگەن. شەرزات وعان جاقىنداپ, ەكەسٸنە دٶرەكٸ سٶيلەگەنٸ ٷشٸن ەسكەرتۋ جاساعان. نۇرقاناتتىڭ ايتۋىنشا, سول سەتتە دارحان شەرزاتقا تٸل تيگٸزگەن سوڭ, شەرزات ونى ۇرىپ جٸبەرگەن. كەيٸن شەرزات دارحانمەن ەرتەڭ, ساۋ كٷيدە سٶيلەسۋدٸ ۇسىنعان.
سول ارادا دارحان نۇربولعا حابارلاسىپ, وقيعا ورنىنا نۇربول گولف كٶلٸگٸمەن كەلگەن. نۇربول ٶزٸن "حۋتورسكييمٸن" دەپ تانىستىرىپ, ەڭگٸمەنٸ ۋشىقتىرماي, كەلەسٸ كٷنٸ سٶيلەسۋگە كەلٸسكەن. بٸراق دٷكەندەگٸ تٶلەم مەسەلەسٸ شەشٸلمەگەن.
نۇرقاناتتىڭ ايتۋىنشا, دارحان قارجاۋبايعا جالعان چەك كٶرسەتكەن سوڭ, قايتادان جانجال باستالعان. نۇربول نۇرقاناتپەن سٶزگە كەلٸپ, دٷكەنگە كٸرٸپ ٶزٸ تٶلەم جاساعان. وسىدان كەيٸن ولار ۋاقىتشا تاراسقان. نۇرقانات كٶلٸكتٸڭ كٸلتٸن شەرزاتقا بەرٸپ, ٷيگە قايتۋعا جٸبەرگەن.
بٸراق كٶپ ۇزاماي دارحان, نۇربول جەنە ولارمەن بٸرگە تاعى بٸر جٸگٸت قايتادان دٷكەنگە كەلٸپ, جانجال قايتا ٶرشٸگەن.
نۇرقاناتتىڭ ايتۋىنشا, دارحان بەتٸن جىرىپ العانىن ايتقان. سول سەتتە قارجاۋباي مەن نۇربول اراسىندا تاعى جانجال شىققان. شەرزات ەكەۋٸن اجىراتپاق بولعان. نۇربول دٷكەن ٸشٸندە قارجاۋبايعا پىشاق كٶرسەتكەن. بۇدان كەيٸن نۇربول ٶز تانىستارىنا, الدىمەن "چيكاعا", كەيٸن نۇرقيياسقا حابارلاسقان.
بۇدان ەرٸ جاعداي ۋشىققان. نۇرقانات شەرزاتقا ٷيگە قايتۋعا كەڭەس بەرگەن. ال ٶزٸ دٷكەننٸڭ الدىندا قالىپ, نۇربولمەن تٸلدەسكەن. بٸراق كەيٸن باسقا كٶلٸكتەر دە كەلٸپ, ابزال, نۇرقيياس, شىڭعىس جەنە تاعى بٸرنەشە ادام دٷكەن الدىنا جينالعان.
نۇرقاناتتىڭ ايتۋىنشا, ولار امانداسىپ بولعان سوڭ, دٷكەن ەسٸگٸن اشىپ, ارتىنداعىلارعا "دەلايتە" دەگەن بەلگٸ بەرگەن.
وسى كەزدە نۇرقيياس احمەت ەسٸمدٸ بالانى ۇرىپ, بەتونعا قۇلاتقان. ابزال احمەتتٸ جاعاسىنان ۇستاپ تۇرعان جەرٸنەن نۇرقانات ونى قۇتقارىپ العان. كەيٸن جٸگٸتتەر نۇرقاناتقا شابۋىل جاساعان. نۇرقيياس ونى ۇرىپ, نۇرقانات تا قارسىلىق بٸلدٸرگەن.
قارجاۋباي دٷكەن ٸشٸندە قامالىپ قالعان. ەسٸكتٸ بٸر قىز ۇستاپ, ونى شىعارماي تۇرعان. وسى كەزدە باسقا بٸر قىز مەرسەدەستەن پىشاقتاردى الىپ بەرٸپ تۇرعان.
نۇرقاناتتىڭ ايتۋىنشا, نۇرقيياس وعان بٸرنەشە رەت پىشاق سەرمەگەن. شەرزات بۇل كەزدە ابزالعا شابۋىل جاساپ, نۇرقاناتتى قورعاۋعا كەلگەن. بٸراق وقيعا ورنىنا جينالعان ون شاقتى جٸگٸت شابۋىل جاساعان سوڭ, نۇرقانات شەرزاتقا "قاشا بەر" دەگەن.
نۇرقانات 10-15 مەتر جەردە الىستاپ جٷرگەندە, شەرزات "نۇرقانات اعا, ماعان بٸرنەرسە تىعىپ الدى" دەپ ٷش رەت ايقايلاعان. جٷگٸرٸپ بارعان نۇرقانات ونىڭ سول جاق ارقا تۇسىنا پىشاق سۇعىلعانىن كٶرگەن.
نۇرقانات جٸگٸتتەرگە توقتاۋدى, جەدەل جەردەم شاقىرۋدى سۇراعانىمەن, ونى بٸرنەشە ادام ۇرىپ-سوققان. ابزال ونىڭ جامباسىنا پىشاق سۇققان, تاعى بٸرەۋ باسىنان مەتالل زاتپەن ۇرعان. ودان كەيٸن نۇرقانات ەسٸنەن تانىپ, تەك اۋرۋحانادا ەسٸن جيعان.
