بيشٸمباەۆقا قاتىستى كەزەكتٸ سوت وتىرىسىندا ايىپتالۋشىنىڭ ادۆوكاتتارى رەسەيلٸك سوت-مەديتسينالىق ساراپشىلارىنىڭ سالتاناتتىڭ ٶلٸمٸنە بايلانىستى شىعارعان شەشٸمٸن وقىدى, دەپ حابارلايدى Dalanews.kz.
بيشٸمباەۆتىڭ ادۆوكاتتارى سوتتا مەسكەۋ قالاسىنداعى "ن.ي. پيروگوۆ اتىنداعى رەسەي ۇلتتىق زەرتتەۋ مەديتسينالىق ۋنيۆەرسيتەتٸنٸڭ" رەسەيلٸك سوت-مەديتسينالىق ساراپشىلارىنىڭ قورىتىندىسىن باياندادى.
وسى تۇستا رەسەيلٸك ساراپشىلار قازاقستاندىق مامانداردىڭ سٶزٸن جوققا شىعاردى. ايتۋلارىنشا, نٷكەنوۆا باس ميىنىڭ اۋىر جاراقاتى سالدارىنان قايتىس بولماعان. بۇعان سالتاناتتىڭ ٶلٸمٸنە دەيٸن 3-4 اپتا بۇرىن العان ەسكٸ گەماتومادان باستا قان كەتۋٸ سەبەپ بولدى دەسەدٸ.
سوت بيشٸمباەۆتىڭ ادۆوكاتتارىنىڭ ٶتٸنٸشٸنە سەيكەس شەشٸم قابىلداۋ ٷشٸن ٷزٸلٸس جاسادى.
ايتا كەتەيٸك, بٷگٸنگٸ سوت وتىرىسىندا قۋاندىق بيشٸمباەۆتىڭ اناسى سٶز سٶيلەپ, سالتانات نٷكەنوۆانىڭ ٶلٸمٸنە قاتىستى مەسكەۋلٸك ساراپشىنىڭ ساراپتاما نەتيجەسٸنٸڭ شەشٸمٸن ٸس ماتەريالدارىنا قوسۋدى سۇرادى.
"مەن, ەرينە, زاڭگەر ەمەسپٸن. بٸراق ەگەر بٸزدٸڭ مەسكەۋلٸك ساراپتامانىڭ نەتيجەسٸن قابىلداماساڭىزدار, مەنٸڭ ۇلىمنىڭ كونستيتۋتسييالىق قۇقىعى بۇزىلادى دەپ ويلايمىن. سوندىقتان سوت, القابيلەر, پروكۋرورلار مەن جەبٸرلەنۋشٸ تاراپتان مەنٸ انا رەتٸندە تٷسٸنۋدٸ سۇرايمىن. مۇنى شىن جٷرەگٸممەن ايتىپ وتىرمىن", - دەيدٸ بيشٸمباەۆتىڭ اناسى.
ەسكە سالايىق, بۇعان دەيٸن الماتىلىق ساراپشى نٷكەنوۆانىڭ ٶلٸمٸنە سەبەپ بولعان جاراقاتتاردى كٶرسەتكەن بولاتىن. سوت-مەديتسينالىق ساراپتاما قىزمەتكەرٸ تاحير حاليمنازاروۆ سالتانات نٷكەنوۆا قانداي جاراقاتتار العانىن مانەكەندە كٶرسەتتٸ.
تاحير حاليمنازاروۆتىڭ سٶزٸنشە, بۇل جاراقاتتار نٷكەنوۆانىڭ مەيٸتٸن ساراپتاۋ نەتيجەسٸندە انىقتالدى.
ياعني, العاشقى ساراپتامانى جٷرگٸزگەن ساراپشىلار انىقتاعان. بۇل جاراقاتتار ساراپشىنىڭ قورىتىندىسىندا سيپاتتالعان.
ساراپشىنىڭ سٶزٸنشە, مۇنىڭ بەرٸ جالپىلاما باس جاراقاتى بولىپ سانالادى. وعان بەتٸندەگٸ جاراقاتتار دا, باس سٷيەگٸندەگٸ جاراقاتتار دا جاتادى.
سوت مەديتسيناسىندا بۇل جاراقاتتاردىڭ بەرٸ سىرتقى ەسەردٸڭ كەسٸرٸنەن بولعان زاقىمدانۋ رەتٸندە قاراستىرىلادى.
تاحير حاليمنازاروۆتىڭ سٶزٸنشە, ٶلٸمنٸڭ سەبەبٸن ايتقان كەزدە وسى جاراقاتتاردىڭ بەرٸن قاراستىرۋ كەرەك. ولاردىڭ ەرقايسىن بٶلەك قاراستىرۋعا بولمايدى.
ساراپشى قۇلاۋدان العان جاراقاتتار بولماعانىن ايتادى. ال بيشٸمباەۆ نٷكەنوۆا قابىرعاعا سوعىلىپ, ارتىنشا ۋنيتازعا قۇلاپ تٷسكەنٸن ايتقان بولاتىن.
سونىمەن قاتار, سوت-مەديتسينالىق ساراپشى سالتانات نٷكەنوۆانىڭ باسىنداعى سۋبدۋرالدى گەماتومانىڭ مٶلشەرٸ 230 گرامم بولعان. بۇل ٶلٸمگە ەكەلەدٸ.
تاحير حاليمنازاروۆتىڭ سٶزٸنشە, بيشٸمباەۆ ونى قولمەن ۇردى ما, الاقانمەن ۇردى ما - ماڭىزدى ەمەس. سەبەبٸ بۇل جاعدايدا ۇرعان ادامنىڭ سالماعى ايتارلىقتاي ەسەر ەتەتٸن كٶرٸنەدٸ. سالماعى ٸرٸ ادام الاقانىمەن بولسا دا اۋىر جاراقاتتاۋى مٷمكٸن.
