ءارىپ نازەركە دارحانقىزىن ىزدەستىرۋ ءالى جالعاسۋدا. قىز ءالى تابىلدمادى. نازەركەنىڭ تۋىستارىنىڭ ايتۋىنشا، ىزدەۋ جۇمىستارىنا جۇمىلدىرىلعان قۇقىق قورعاۋ ورگاندارى جۇمىسىن ناشار ىستەيدى. ىزدەستىرۋگە بولىنگەن ادام سانى وتە از، ولار تولىققاندى جۇمىس ىستەي المايدى. پوليسيا ەشبىر باستاماشىلدىق تانىتىپ وتىرعان جوق جانە ۋاقىت پەن كۇشىن دە ۇنەمدەپ جۇمساۋدا.

نازەركەنىڭ اتا-اناسى قاۋىمداستىقتان جانە بارلىق جاناشىر حالىقتان بارىنشا كومەك كورسەتىپ، قىزدارىن تابۋعا ات سالىسۋدى سۇرايدى. ەگەر سىزدە نازەركە تۋرالى قانداي-دا ءبىر اقپارات بولسا، تومەندەگى نومەرلەرگە حابارلاسۋىڭىزدى سۇرايمىز. سىباعاڭىز دايىن. حابار بەرگەن ادام تۋرالى اقپارات قۇپيادا ساقتالاتىن بولادى.



نازەركەنىڭ اتا-اناسى ەشكىمدى قۋدالامايتىنىنا كەپىلدىك بەرە وتىرىپ: «ەگەر ءسىز ءبىزدىڭ قىزىمىزدى ۇستاپ وتىرساڭىز، قوماقتى سىيلىققا قايتارۋىڭىزدى سۇرايمىز. ءبىز ەشكىمدى قۋدالامايمىز. ءبىز ءۇشىن قىزىمىزدىڭ ۇيگە ورالعانى عانا قاجەت. قىزىم، نازەركە، ەگەر وسى حابارلاندىرۋدى وقىپ وتىرساڭ، ۇيگە قايتا عوي. سەن بىزگە وتە قاجەتسىڭ، ءبىز سەنى جاقسى كورەمىز، ءبىز - سەنىڭ اتا-اناڭ مەن باۋىرلارىڭ ءوزىڭدى اسىعا كۇتۋدەمىز»، - دەيدى.

 

ەستەرىڭىزگە سالا كەتەيىك، ءارىپ نازەركە دارحان قىزى، 22.06.1999 جىلى تۋعان، 2017 جىلى 10 شىلدەدە ساعات 13:40-تا تالعار اۋدانى تۇزدىباستاۋ اۋىلىندا ۇيدەن شىعىپ كەتكەن، ءالى كۇنگە دەيىن ورالمادى. بويى 162 سم، سالماعى 55 كگ. شاشى قارا ۇزىن. ۇستىندە ۇزىن قارا كويلەگى بولعان.



تەلەفون نومەرى بويىنشا ىزدەستەرگەن كەزدە ونىڭ ۇيالى تەلەفونى 10.07.17 ج. گۋريليەۆ-تاتىبەكوۆ-رىسقۇلوۆ-ايشا ءبيبى كوشەلەرىندە انىقتالدى.

كەز كەلگەن اقپاراتتى مىنا تەلەفوندار ارقىلى حابارلاۋلارىڭىزدى سۇرايمىز:

87027516977، 

87754820550، 

87753655301.