كىسى ءولتىرۋ ارەكەتىنە قاتىستى سوت وتىرىسى قىلمىستىق ىستەر جونىندەگى مامانداندىرىلعان اۋدانارالىق سوتىندا جابىق رەجيمدە ءوتتى. قىلمىسكەر 21 جىلعا قاسالسىن دەگەن ۇكىم وقىلدى.
«ۇكىم شىقتى، ءبىز ەندى ونى اپپەلياسياعا بەرەمىز. ول وتكەن جولى دا ءوزىنىڭ مەرزىمىنىڭ سوڭىنا دەيىن وتىرعان جوق. ونى ءوزىن جاقسى جاعىنان كورسەتكەنى ءۇشىن مەرزىمىنەن بۇرىن بوساتقان. بۇل جولى دا سولاي بولۋى ابدەن مۇمكىن»،-دەدى نازەركەنىڭ اناسى ساۋلە ساربايەۆا.
سونىمەن قاتار قىزدىڭ اناسى ايىپتالۋشىعا تەك «كىسى ءولتىرۋ» بابى عانا قولدانىلعانىن، ال «زورلاۋ» بابى قولدانىلماعانىن ايتتى. ويتكەنى دالەل جوق.
ايتا كەتەيىك، 18 جاستاعى قىز 10 شىلدەدە جوعالىپ كەتكەن بولاتىن. ول الماتى وبلىسىنداعى تۇزدىباستاۋ اۋىلىنان شىعىپ كەتىپ، قايتىپ ورالماعان. 4 قىركۇيەكتە قىزدىڭ ءمايىتىن زيراتتار ورنالاسقان ايماقتان تاۋىپ العان.
