تارازدا 1993 جىلى شىعارىلعان Mercedes-Benz S600 كولىگى ساتىلىمعا شىعارىلدى. ونىڭ بۇرىنعى يەسى – قازاقستاننىڭ تۇڭعىش پرەزيدەنتى نۇرسۇلتان نازاربايەۆ ەكەنى بەلىگىلى بولدى، دەپ حابارلايدى Dalanews.kz.
NegeAqsha تەلەگرام ارناسىنىڭ مالىمەتىنشە، كولىكتىڭ باعاسى – 222 ميلليون تەڭگە.
“بۇل ەكسكليۋزيۆتى العاشقى اۆتوموبيل – تۇڭعىش پرەزيدەنتتىڭ PK Mercedes 600 SEL (Sonderschutz) GUARD B7. ناعىز انتيكۆاريات جانە ەلىمىزدىڭ تاريحى!” – دەلىنگەن حابارلاندىرۋدا.
ساتۋشىنىڭ ايتۋىنشا، كولىك گەرمانيادا ارنايى تاپسىرىس بويىنشا قۇراستىرىلعان. ونىڭ تەك سىرتى ەمەس، استى دا 4 كگ تروتيلگە دەيىنگى جارىلىستى كوتەرە الاتىن تولىققاندى فابريكالىق برونەكاپسۋلامەن جابدىقتالعان. اۆتوموبيل كالاشنيكوۆ اۆتوماتىن جانە سنايپەرلىك مىلتىقتاردىڭ وقتارىن دا قابىلداي الادى.
دالەل رەتىندە ساتۋشى ارحيۆتىك فوتوسۋرەتتەر مەن كولىكتى تىركەۋ كۋالىگىن جاريالاعان.
ORDA تىلشىلەرى اۆتوكولىك يەسىمەن بايلانىسىپ، ونىڭ كولىكتىڭ شىنىمەن دە نازاربايەۆقا تيەسىلى ەكەنىن جانە بارلىق قۇجاتتارى بار ەكەنىن راستاعانىن حابارلادى.
