اتالعان زاڭ جوباسىنا سايكەس، قاۋىپسىزدىك كەڭەسى ىشكى ساياسي تۇراقتىلىقتى ساقتاۋ، كونستيتۋسيالىق قۇرىلىستى، مەملەكەتتىك تاۋەلسىزدىكتى، اۋماقتىق تۇتاستىعىن قورعاۋ ماقساتىندا ۇلتتىق قاۋىپسىزدىك پەن قورعانىس قابىلەتىن قامتاماسىز ەتۋ سالاسىندا ءبىرىڭعاي مەملەكەتتىك ساياساتتى ىسكە اسىرۋدى ۇيلەستىرەتىن كونستيتۋسيالىق ورگان بولىپ تابىلادى.
سونداي-اق، قازاقستان رەسپۋبليكاسىنىڭ ادىلەت ءمينيسترى مارات بەكەتايەۆ نازاربايەۆقا قاۋىپسىزدىك كەڭەسىن ءومىر بويى باسقارۋعا قۇقىق بەرەتىن زاڭ جوباسى وتكەن جىلى بەلگىلەنىپ قويعانىن ءتۇسىندىردى.
سونىمەن،
«قازاقستان رەسپۋبليكاسىنىڭ تۇڭعىش پرەزيدەنتى – ەلباسى تۋرالى» كونستيتۋسيالىق زاڭعا ەنگىزىلگەن وزگەرتۋلەرگە سايكەس تۇڭعىش پرەزيدەنت «ءوزىنىڭ تاريحي ميسسياسىنا بايلانىستى» قاۋىپسىزدىك كەڭەسىن ءومىر بويى باسقارۋعا قۇقىلى.
ايتا كەتەيىك، 2017 جىلدىڭ جەلتوقسانىندا نازاربايەۆ قول قويعان تۇزەتۋلەرگە وزگەرىستەر ەنگىزىلدى.
دەرەككوز: Sputnik قازاقستان
