«اقتوبە» فۋتبول كلۋبىنىڭ ديرەكتورى دميتريي ۆاسيليەۆ 300 ملن. تەڭگە بيۋدجەت قاراجاتىن جىمقىرعانى ءۇشىن ايىپتالۋدا، دەپ حابارلايدى inform.kz  سىبايلاس جەمقورلىققا قارسى كۇرەس بويىنشا ۇلتتىق بيۋرونىڭ  باسپا ءسوز قىزمەتىنە سىلتەمە جاساپ

«تەرگەۋ انىقتاعانداي، اق باس ديرەكتورى ۆاسيليەۆ  سىياقىلاردى زاڭسىز تولەۋ جولىمەن 300 ملن. تەڭگە سوما بيۋدجەت قاراجاتىن قولدى ەتكەن.  بۇل رەتتە  ءوزىنىڭ «سىياقىسىنىڭ» مولشەرىن» ءبىراۋىزدان بەلگىلەپ وتىرعان. ونىڭ ىشىندە فۋتبولدان قازاقستان چەمپيوناتىنىڭ 1-كەزەڭى اياقتالعانعا دەيىن مىقتى كوماندالار التىلىعىنا شىققانى ءۇشىن «اقتوبە» فك جاتتىقتىرۋشىسى مەن فۋتبولشىلارىنا جالپى سوماسى 69 ملن تەڭگەگە زاڭسىز سىياقى بەرگەن فاكتىسى انىقتالدى.  كورسەتىلگەن سومادان 15 ملن. تەڭگەنى ۆاسيليەۆتىڭ ءوزى العان»، - دەپ حابارلادى ۇلتتىق بيۋرونىڭ باسپا ءسوز قىزمەتى. 8 قاراشادا سىبايلاس جەمقورلىققا قارسى قىزمەت ۆاسيليەۆتى  ق ر قپك 128-بابىنا سايكەس  ۇستادى جانە اقتوبە وبلىسى ءىىد ۋۇي-گە  ورنالاستىردى.