Mercedes-Benzء-تىڭ تاڭباسىن ءوندىرۋشى كاسىپورىن بانكروتقا ۇشىرادى

كامشات تىلەۋحان 26 جەل. 2024 10:21 416

Mercedes-Benz اۆتوموبيلدەرى برەند تاڭباسىن ءوندىرۋشى كاسىپورىن - Gerhard Kunststofftechnik GmbH بانكروتقا ۇشىراعانىن جاريالادى، دەپ جازادى Dalanews.kz.

كومپانيا ۇلى كۇيزەلىس جىلدارى مەن ەكى دۇنيەجۇزىلىك سوعىستى باستان وتكەرگەن، ءبىراق ەۋروپالىق اۆتوموبيل ونەركاسىبىنىڭ قۇلدىراۋىنان تۋىنداعان ەكونوميكالىق قيىندىقتارعا توتەپ بەرە المادى. Gerhard Kunststofftechnik GmbH بانكروتتىعى سالدارىنان كاسىپورىنداعى شامامەن 1500-گە جۋىق جۇمىسشىنىڭ جۇمىسسىز قالۋى مۇمكىن.

كومپانيا Audiء-دىڭ، سونداي-اق BMW-نىڭ كوركەمدىك ەلەمەنتتەرىن دە ازىرلەگەن.

ءقازىر Audiء-دىڭ دە جاعدايى ءماز ەمەس. كونسەرننىڭ بريۋسسەلدەگى زاۋىتىن جابادى دەگەن سىبىس بار. Jaguar دا ابدىراپ وتىر. ولاردىڭ جاڭادان شىعارعان كولىگى قاتتى سۇرانىسقا يە بولا المادى. ۇنەمدىلىك پەن تيىمدىلىك ماقساتىندا جاسالعان ونى قۋىرشاق ءباربيدىڭ كولىگىنە بالاۋشىلار كوپ.

 


ۇسىنىلعان
سوڭعى جاڭالىقتار