مەملەكەتتىك ورگانداردىڭ سايتىنا شابۋىل جاساعان حاكەر ۇستالدى

ساعىنىش سارداروۆا 22 اقپ. 2024 10:32 1147

ۇلتتىق قاۋىپسىزدىك كوميتەتى پروكۋراتۋرا ورگاندارىنىڭ ۇيلەستىرۋىمەن مەملەكەتتىك ەلەكتروندىق قىزمەت كورسەتۋ سالاسىندا كيبەرقىلمىس جاساعان كۇدىكتىنى ۇستادى، - دەپ حابارلايدى Dalanews.kz.

ۇقك مالىمەتىنشە، ول - قاراعاندى تۇرعىنى.

"ءتىنتۋ كەزىندە 24 ۇيالى تەلەفون، 4 جۇيەلى بلوك، 4 فلەش-كارتا، 9 نوۋتبۋك، پلانشەت الىندى. الدىن الا باعالاۋعا سايكەس، زالالدىڭ سوماسى 49 ميلليون تەڭگەدەن ارتىق"، - دەپ جازىلعان مالىمەتتە.

قىلمىستىق كودەكستىڭ 207-بابى 3-بولىگى 2-تارماعىمەن قاراستىرىلعان قىلمىستىق قۇقىقبۇزۋشىلىق بەلگىلەرى بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر.


ۇسىنىلعان
سوڭعى جاڭالىقتار
x