ماقتاارال اۋدانىندا زاڭبۇزۋشىلىقتار ازايىپ كەلەدى. اسىرەسە قوعامدىق ورىندار مەن كولىك قوزعالىسىنداعى تارتىپسىزدىكتەر ەداۋىر كەمىگەن. بۇعان اۋدان كولەمىندەگى قالا مەن كەنتتەرگە قويىلعان بەينەباقىلاۋ جۇيەلەرىنىڭ ورناتىلۋى سەپ بولىپ وتىر.

جالپى بيىل وبلىستىق بيۋدجەت ەسەبىنەن ماقتاارال اۋدانىندا 35 دانا بەينەباقىلاۋ كامەرالارى ورناتىلعان. ولاردىڭ 31ء-ى بەينەكامەرا  بولسا،  4-ەۋى اۆتوكولىكتەردىڭ ءنومىر بەلگىلەرىن تىركەۋگە قابىلەتتى.  بەينەكامەرالاردىڭ 19 داناسى جەتىساي قالاسىندا،  4 داناسى اتاكەنت كەنتىندە، 2 داناسى اسىقاتادا،  2 داناسى مىرزاكەنتتە، 1 داناسى الپامىس باتىر ەسكەرتكىشى ماڭىندا، 1 داناسى ازاتتىق ەلدى مەكەنىندە، 1 دانا بەينەكامەرا مەن  2 دانا تىركەۋ كامەراسى «تاۋەلسىزدىك» كوپىرى ماڭىندا،  قىزىلقۇم اۋىلدىق وكرۋگى تۇركەباي ەلدى مەكەنىندە 1 دانا بەينەكامەرا جانە 2 دانا انبك ورنالاسقان.

سونىمەن قاتار، اۋداندىق ىشكى ىستەر باسقارماسى عيماراتىنا جەدەل باسقارۋ ورتالىعىنا (سوۋ) قۇرال-جابدىقتار ورناتىلىپ، جابدىقتالعان.

ايتا كەتەيىك، بەينەباقىلاۋ جۇيەلەرىن دامىتۋ جوباسى وبلىس اكىمىنىڭ باستاماسىمەن ىسكە اسىپ وتىر.

 

وقو اكىمىنىڭ باسپا ءسوز قىزمەتى