قازىرگى كەزدە ءۇ.ج. 13 شىلدەدەگى جاعداي بويىنشا ازىق-تۇلىك كەلىسىم-شارت كورپوراسياسى 9 ۆاگونعا ارپا ارتۋعا كىرىستى. قابىلداۋعا ىڭعايلى بولۋ ءۇشىن جانە ودان ءارى مال شارۋاشىلىقتارى اراسىندا تاراتۋ ءۇشىن ارپا 45-50 كەلىلىك قاپتارعا سالىنعان. اتالعان جۇمىس اق-كول ستانسياسىنداعى «استىق قويمالارى №1 استىق بازاسى» ج ش س استىق قابىلداۋ كاسىپورنىندا تاۋلىك بويى جۇزەگە اسىرىلىپ جاتىر.
ماڭعىستاۋ وبلىسى بويىنشا قالىپتاسقان توتەنشە جاعدايعا بايلانىستى ازىق-تۇلىك كەلىسىم-شارت كورپوراسياسى فەرمەرلىك شارۋاشىلىقتاردى قولداۋ ماقساتىندا 20%-عا نارىقتىق باعادان تومەن جەمدىك استىقپەن قامتاماسىز ەتۋ بويىنشا جەدەل شارالاردى قابىلدادى. ازىق-تۇلىك كەلىسىم-شارت كورپوراسياسى وسى وبلىستاردى جەمدىك استىقپەن قامتاماسىز ەتۋ اياسىندا اعىمداعى جىلدىڭ ماۋسىم ايىندا جالپى كولەمى 637،294 توننا بولاتىن 10 ۆاگون جەتكىزدى.
قازىرگى ۋاقىتتا قىزىلوردا وبلىسىنىڭ مال شارۋاشىلىعى كاسىپورىندارىنا ارپا جىبەرۋ جالعاسۋدا.
