كۇنى كەشە ءلايلا سۇلتان قىزى “بالاپان” تەلەارناسىنىڭ باسشىسى قىزمەتىنەن كەتىپ، ونىڭ ورنىن جانار شامەل باستى. وسىدان كەيىن تەلەجۇرگىزۋشى بالالارعا ارنالعان لاگەر اشاتىنىن مالىمدەگەن بولاتىن. ەندى، مىنە، لاۋازىمدى قىزمەتتەن دامەتىپ جۇرگەنىن ءسوز ەتتى. دەسە دە، بۇل تەلەجۇرگىزۋشىنىڭ ءازىلى بولۋى دا عاجاپ ەمەس.
– شىمكەنتتىڭ ىستىعىنا جۇمىرتقا قۋىرۋعا بولادى دەيدى. وتكەندە بيبىگۇل يمانعازينا اپامىز ەفيرگە حابارلاسىپ، «سەن قىزدى دەپۋتات قىلۋىمىز كەرەك، ەلباسىنا، باسقالارعا حات جازامىن» دەيدى. اپام-اۋ، راقمەت شىنايى كوڭىلىڭىزگە! جازساڭىز جازىڭىزشى، قانىمدى ءىشىپ جۇرگەندەرگە زاڭنىڭ قالاي جۇمىس ىستەيتىنىن كورسەتەيىن. ا كورپۋسى ارقىلى ما، قالاي ءوزى جولى؟ جازا وتىرىڭىزدار. وسى سۋرەتتە دەپۋتات بولسام، ارتىنان مينيستر بولسام، سوسىن پرەمەر بولسام دەپ تۇرعان ءساتىم عوي، – دەيدى ءلايلا سۇلتان قىزى.
دەرەككوزى: stan.kz
