بۇگىندە كاتونقاراعاي اۋدانىندا شاعىن جانە ورتا بيزنەستى دامىتۋ ەكونوميكالىق ءوسۋدىڭ ماڭىزدى باعىتتارىنىڭ ءبىرى بولىپ تابىلادى. سونىمەن قاتار جاڭا جۇمىس ورىندارىن قۇرۋدا ماڭىزدى ءرول اتقاراتىنى انىق.
ايتالىق. 2005 جىلدان باستاپ 2021 جىلعا دەيىن اۋدان بويىنشا شاعىن جانە ورتا كاسىپكەرلىكتىڭ بەلسەندى سۋبەكتىلەرىنىڭ سانى 972 بىرلىكتەن 2228 بىرلىككە ءوسىپ، كورسەتكىش 2،3 ەسەگە جوعارلاعان. ال كاسىپكەرلەردىڭ اۋدان حالىقىن جۇمىسپەن قامتۋ دەڭگەيى 2203 بىرلىكتەن 3393 بىرلىككە دەيىن نەمەسە 1،5 ەسەگە ۇلعايسا، ءونىم ءوندىرۋ كولەمى 9 ەسەگە ءوسىپ، 4 320،0 ملن. تەڭگەگە جەتكەن.
گرانتتىق قارجىلاندىرۋ ەسەبىنەن، «ەڭبەك»، «بيزنەستىڭ جول كارتاسى – 2025» باعدارلامالارى شەڭبەرىندە جانە «كاتونقاراعاي اۋدانىنىڭ تۇراقتى دامۋى» قوعامدىق قورى ەسەبىنەن جوبالار ىسكە اسىرىلۋدا.
بيىلعى جىلى جۇمىس ىستەپ تۇرعان بيزنەستى كەڭەيتۋگە 30-دان استام كاسىپكەر گرانتتار مەن كرەديتتەر العان ءبىزدىڭ سوزىمىزگە ايقىن دالەل بولادى. اايتا تۇسسەك، 10 جوبا 364 ملن تەڭگەگە سۋبسيديالانسا، كاسىپكەرلىكتى قولداۋ باعدارلاماسى شەڭبەرىندە 34،9 ملن تەڭگەگە 9 جوبا كەپىلدەندىرىلگەن.
ال جاڭا بيزنەس يدەيالاردى ىسكە اسىرۋعا مەملەكەتتىك قولداۋ شارالارىن ۇسىنۋ بويىنشا بەلسەندى جۇمىس جۇرگىزىلۋدە. ايتالىق، اۋدانداعى جەكە كاسىپكەر ن. رايسوۆ، سىيىمدىلىعى 220 ورىندىق قوعامدىق تاماقتانۋ ورنىن اشقان. وسى ءبىر دەرەكتەردەن كاتونقاراعاي اۋدانىندا بيزنەستىڭ قولداۋ جۇيەلى تۇردە ىسكە اسىپ كەلە جاتقانىن اڭعارامىز.
