كاسىپكەر جانە مەسەنات مۋحامەد ءىزباستين سۋ تاسقىنىنا قارسى كۇرەسكە 450 ملن تەڭگە ءبولدى، - دەپ حابارلايدى Dalanews.kz "Dauletten telegram ارناسىنا سىلتەپ.
پرەزيدەنت قاسىم-جومارت توقايەۆ بيزنەس وكىلدەرىن اپات سالدارىن جويۋعا بەلسەندى قاتىسۋعا شاقىرعان بولاتىن.
پرەزيدەنتتىڭ بۇل ءسوزىن كوپتەگەن كاسىپكەر قولداپ، تابيعي اپات بولعان ايماقتارعا قارجىلاي كومەك جولداي باستادى.
ولاردىڭ ىشىندە جارتى ميلليارد تەڭگەگە جۋىق قارجى بولگەن كاسىپكەر جانە مەسەنات مۋحامەد ءىزباستين بار.
"سۋ تاسقىنى سالدارىنان قازاقستان اۋماعىنىڭ ەداۋىر بولىگى زارداپ شەكتى. مەن سۋ تاسقىنى سالدارىمەن كۇرەسۋگە 450 ميلليون تەڭگە كولەمىندە قاراجات ءبولدىم. ءيا، ءقازىر ۇلكەن سۋ شەگىنىپ جاتىر، ءبىراق پروبلەمالار ءالى دە بار جانە ولاردى بىرلەسىپ جانە جەدەل شەشۋ كەرەك. ءاربىر ءىرى بيزنەسمەننىڭ بىرلەسكەن كۇش - جىگەرىمەن ءبىز بۇل سىناقتى جەدەل جەڭە الاتىنىمىزعا سەنىمدىمىن"، - دەپ اتاپ ءوتتى ءىزباستين.
ايتا كەتەيىك،2024 جىلدىڭ ءساۋىر ايىنىڭ سوڭىنداعى جاعداي بويىنشا ءىرى بيزنەس سۋ تاسقىنى سالدارىن جويۋعا 160 ميلليارد تەڭگەدەن استام كومەك كورسەتىلدى.
