ەۋرووداقتىڭ حالىقارالىق قاتىناستار، ساياسات جانە قاۋىپسىزدىك جونىندەگى جوعارعى وكىلى جوزەپ بوررەل رەسەيدىڭ ەۋروپا ەلدەرىندەگى اكتيۆتەرىن بۇعاتتاپ، ونى ۋكراينانى قالپىنا كەلتىرۋ ىسىنە باعىتتاۋ كەرەكتىگىن ايتتى، – دەپ حابارلايدى Dalanews.kz.

جوزەپ بوررەل جۋرناليستەرگە بەرگەن سۇحباتىندا سوعىستان كەيىن ۋكراينانى قالپىنا كەلتىرۋ جۇمىستارى قولعا العان ساتتە جۇزدەگەن ميلليارد ەۋرو قاجەت بولاتىنان ايتا كەلە، بۇل ىسكە ەۋرووداق اۋماعىندا بۇعاتتالعان رەسەيدىڭ اكتيۆتەرىن باعىتتاۋدى ۇسىندى.

ءدال وسىعان ۇقساس جاعداي اۋعانىستان بيلىگىن تالىپتەر باسىپ العاندا اقش ولاردىڭ اكتيۆتەرىن بۇعاتتاپ تاستاعان بولاتىن.

بوررەل رەسەيدىڭ ەۋروپا اۋماعىنداعى التىن ۆاليۋتالىق قورىن سوعىس اياقتالعاننان كەيىن رەپاراسيا رەتىندە باعىتتاۋدىڭ ماڭىزى زور ەكەنىن العا تارتتى.  

باتىس ەلدەرى سالعان سانكسيالاردان كەيىن رەسەيدىڭ ورتالىق بانكىنىڭ 300 ملرد دوللار بولاتىن التىن ۆاليۋتا قورى بۇعاتتالعان-دى. الداعى ۋاقىتتا بۇعاتتالعان وسى قارجىنىڭ ءبارى ۋكراينانى قالىپقا كەلتىرۋگە باعىتتالۋى مۇمكىن.