الەۋمەتتىك جەلىدە اتىراۋداعى مەشىتتەردىڭ بىرىنە كەلگەن ازاماتتى بىرنەشە ادامنىڭ سىرتقا شىعارۋعا تالپىنعان ۆيدەو تاراپ، ول كوپشىلىكتىڭ قىزۋ تالقىسىنا ءتۇستى.

بۇل جايتقا قاتىستى اتىراۋ سەلولىق وكرۋگى مەشىتىنىڭ باس يمامى سانات بولەكباي ۇلى پىكىر ءبىلدىردى، دەپ حابارلايدى nur.kz.

ءدىن قىزمەتكەرىنىڭ ايتۋىنشا، وقيعا 19 تامىز كۇنى اتىراۋ قالاسىنداعى اتىراۋ سەلولىق وكرۋگىنىڭ مەشىتىندە بولعان. مەشىتتە جۇما نامازى كەزىندە يمام ۋاعىز ايتىپ جاتقاندا مەشىتتىڭ تۇراقتى جاماعاتىنىڭ ءبىرى تەلەفونىن قاراپ، ۋاعىزدى تىڭداماي، يمامعا باعىنباي "بۇل نە زاڭ؟" دەپ شۋ شىعارعان.

"ازاماتقا بىرنەشە رەت ەسكەرتۋ جاسالدى، دەگەنمەن تارتىپكە باعىنبادى. كونبەگەن سوڭ جاماعاتقا ول كىسىنى سىرتقا شىعارۋىنا تۋرا كەلدى. 35 جاستاعى ەر ادام ءوز اۋىلىمىزدىڭ تۇرعىنى. ونىڭ تەرىس اعىمنىڭ جەتەگىندە جۇرگەنى انىقتالدى. وسىعان دەيىن دە ول ازاماتقا يمامعا باعىنباعانى ءۇشىن بىرنەشە رەت ەسكەرتۋ جاسالعان"، - دەيى سانات بولەكباي ۇلى.

يمامنىڭ ايتۋىنشا، بۇل جايتتان كەيىن اۋىل تۇرعىنىمەن مەشىتتىڭ نايب يمامدارى جەكە سويلەسىپ، ءتۇسىندىرۋ جۇمىستارىن جۇرگىزگەن. ناتيجەسىندە ەر ادام كىناسىن ءتۇسىنىپ، جاماعاتتان كەشىرىم سۇراعان.

سونداي-اق اتىراۋ وبلىستىق ءپد-نىڭ باسپا ءسوز قىزمەتىنىڭ مالىمەتىنشە، يمامنىڭ بىرنەشە ەسكەرتۋىن ورىنداماعان ازاماتقا قاتىستى ق ر اقبتك-نىڭ 490-بابى 2-بولىگى بويىنشا اكىمشىلىك حاتتاما تولتىرىلعان.

https://dalanews.kz/bilim/80723-huawei-qazaqstanda-it-mamandardy-dayyndau

 

https://dalanews.kz/news/80710-oligarkh-ukrain-askerine-12-bespilotnik