– بۇگىن «AMANAT» پارتياسىنىڭ ءتوراعاسى قاسىم-جومارت توقايەۆ وسى جىلدىڭ 26 ساۋىرىندە كەزەكتەن تىس XXIII سەزدى شاقىرۋ تۋرالى شەشىم قابىلدادى.
وعان بارلىق وڭىرلەردەن دەلەگاتتار قاتىسادى. سەزد ونلاين فورماتتا وتەدى. ورتالىق اپپارات فيليالدارمەن بىرلەسىپ دايىندىق ءىس-شارالارىن باستادى.
سەزد بارىسىندا «ADAL» ساياسي پارتياسىنىڭ «AMANAT» پارتياسىنا قوسىلۋى تۋرالى ماسەلە قارالادى دەپ جوسپارلانۋدا، – دەدى «AMANAT» پارتياسىنىڭ اتقارۋشى حاتشىسى اسحات ورالوۆ ءوزىنىڭ الەۋمەتتىك جەلىدەگى جازباسىندا.
