جيىن بارىسىندا ءسوز العان جاپون ۇكىمەتىنىڭ باسشىسى كۇن شىعىس ەلى 70 ادام مەن رەسەيدىڭ 90-نان استام كومپانياسىنا شەكتەۋ قويعانىن العا تارتتى. الداعى ۋاقىتتا جاپونيا رەسەيدىڭ التىنىن ساتىپ الۋدان تولىقتاي باس تارتپاق.
بۇدان باسقا جوپونيانىڭ كومپانيالارى رەسەي كومپانيالارىنا بۋحگالتەرلىك جانە تراستىق قىزمەت كورسەتۋدەن تولىقتاي توقتاتتى.
وسىلايشا جاپونيا 70 ورىس كاسىپكەرىنىڭ شوتتارىن بۇعاتتاپ، اسكەري-قورعانىس سالاسىندا جۇمىس ىستەيتىن 90 كومپانيامەن بايلانىسىن ءۇزدى.
– بىزدەر تاريح الدىندا ۇلكەن تاڭدامەن بەتپە-بەت كەلىپ تۇرمىز. الداعى ۋاقىتتا حالىقارالىق ءتارتىپ پەن نەگىزگى ەرەجەلەردى ساقتاۋعا ءتيىسپىز. اسىرەسە بۇۇ-نىڭ قاۋىپسىزدىك كەڭەسى مەن وزگە قۇرىلىمدارىنىڭ قابىلداعان شەشىمدەرىنە تولىقتاي قۇلاق اسىپ، بۇلجىتپاي ورىنداۋىمىز كەرەك. وسىلاي عانا ءبىز الەمدەگى ءتارتىپتى ساقتاي الامىز، – فۋميو كيسيدا.
