جەكپە-جەك اقش-تىڭ لاس-ۆەگاس شتاتىنداعى MGM Grand سپورت كەشەنىندە ءوتتى. جانىبەكتىڭ قارسىلاسى 23 جاستاعى «سيقىرشى» لاقاپ اتتى ارگەنتينالىق گونسالو كوريا (16-4، 6 كو) بولدى.
ون راۋندقا ەسەپتەلگەن جەكپە-جەك ەكىنشى راۋندتا اياقتالدى. «سيقىرشى» جانىبەكتىڭ اۋىر سوققىسىنان كەيىن ورنىنان تۇرا المادى.
وعان دەيىن قازاق بوكسشى كوريانى ءبىرىنشى راۋندتا-اق ەسەڭگىرەتىپ، نوكداۋنعا تۇسىرگەن ەدى.
وسىلايشا 27 جاستاعى ج.ءالىمحان ۇلى كاسىپقويبوكستاعى توعىزىنشى جەڭىسىنە قول جەتكىزىپ، WBO Global جانە WBC ContinentalAmericas تيتۋلدارىن قورعاپ قالدى. ال 23 جاستاعى گ.كوريا بۇعان دەيىن 16 جەكپە-جەك وتكىزىپ، سونىڭ ۇشەۋىندە ۇتىلىپ قالعان بولاتىن. بۇل – ونىڭ ءتورتىنشى جەڭىلىسى.
