وبلىس اكىمدىگى تىلدەردى دامىتۋ باسقارماسىنىڭ ۇيىتقى بولۋىمەن وبلىسىمىزدا جاس پوليگلوتتار كلۋبى قۇرىلدى.  كلۋبتىڭ نەگىزگى ماقساتى – شەت تىلدەرىن ەركىن مەڭگەرگەن وبلىس جاستارىنىڭ  باسىن قوسىپ، ولاردىڭ  قابىلەتتەرىن  شىڭداۋ. سونداي-اق، جاستاردىڭ كوپ ءتىل بىلۋگە دەگەن قىزىعۋشىلىقتارىن ارتتىرۋ.

وبلىستا العاش رەت  قۇرىلعان كلۋبتىڭ سالتاناتتى اشىلۋى  وبلىستىق «تىلدەردى دامىتۋ ورتالىعىندا»  ءوتتى. شاراعا وبلىس اكىمدىگى تىلدەردى دامىتۋ  باسقارماسىنىڭ  باسشىسى  ع.بورانبايەۆا قاتىسىپ، جاستاردىڭ كوپ ءتىل بىلۋگە دەگەن قۇشتارلىعىنا ريزاشىلىعىن ءبىلدىرىپ، الداعى ۋاقىتتا كلۋبتىڭ  جۇمىسىنا قولداۋ بىلدىرەتىندىگىن جەتكىزدى. ال، وبلىستىق «پوليگلوت» كلۋبىنىڭ پرەزيدەنتى ساعي التىنكوپ وبلىس اۋداندارىنداعى كوپ ءتىل مەڭگەرگەن  جاستارمەن ونلاين بايلانىسقا شىعىپ، ءوزارا پىكىر الماستى.

باسقوسۋ سوڭىندا، شاراعا قاتىسۋشى جاستاردىڭ ۇسىنىس-پىكىرلەرى تىڭدالدى.

 

جامبىل وبلىس اكىمىنىڭ باسپا ءسوز قىزمەتى