جالعان كەسٸپكەرلٸك تەرروريزممەن تەڭەستٸرٸلۋٸ مٷمكٸن
ٶيتكەنٸ, ەلٸمٸزدەگٸ كٶلەڭكەلٸ بيزنەستٸ قورعاشتاپ وتىرعانداردىڭ كٶبٸ لاۋازىمدى ادامدار ەكەن. مەسەلەن, بىلتىر جالعان كەسٸپكەرلٸك پەن كونتراباندانى تۇراقتى لوببي جاساپ كەلگەن جوعارى قىزمەتتەگٸ 50 ازاماتقا قاتىستى ٸس تٸركەلگەن. سالدارىنان قازىناعا 7 ميللياردتان استام شىعىن كەلٸپتٸ.
سونداقتىن, پروكۋرورلار زاڭسىز بيزنەس اشىپ, قارجى پيراميداسىن قۇرعاندارعا جازانى قاتاڭداتۋ قاجەت دەپ وتىر. ول ٷشٸن قىلمىستىق كودەكسكە بٸرقاتار ٶزگەرٸس ەنگٸزۋ كەرەك. قازٸر جالعان كەسٸپكەردٸڭ مەملەكەتكە كەلتٸرگەن شىعىنى 42 ميلليون تەڭگەدەن از بولسا, ەكٸمشٸلٸك جازامەن قۇتىلادى ەكەن.
ال سالىق كودەكٸسٸنە, پروكۋرورلار كەرٸسٸنشە, جەڭٸلدٸك جاساۋدى ۇسىندى. ياعني, زاڭدى تٷردە كەسٸپ اشقان ادام بٸلمەستٸكتەن نەمەسە بايقاۋسىزدا سالىق تٶلەمەسە, قىلمىستىق جازادان بوساتىلۋى مٷمكٸن.
ٶز كەزەگٸندە قر باس پروكۋرورىنىڭ ورىنباسارى مارات احمەتجانوۆ:
– جۇمىس جاساپ جاتقان كەسٸپكەرلەر بٸرٸنشٸ سالىق تٶلەمەي, سول دەلەلدەنٸپ جاتسا, ٶزٸ سونى مويىنداپ, ٶزٸ تٶلەپ جاتقان كەزدە, سول كەزدە ونى قىلمىستىق جاۋاپكەرشٸلٸكتەن بوستاۋعا مٷمكٸندٸك بار. ٶيتكەنٸ باسقا كەدەن سالاسىندا سونداي نورمالار بار – دەيدٸ.
دەرەككٶزٸ: كتك ارناسى
