بۇگىننەن باستاپ Halyk Bank جانە Altyn Bank كليەنتتەرى ءۇشىن Qazkom cash-in فۋنكسياسى بار بانكوماتتارىنانتولەم كارتالارىن تەڭگە جانە اقش دوللارى بويىنشا تولىقتىرۋ جاڭا قىزمەتى پايدا بولدى. ەندى Halyk Bank جانە Altyn Bank كارتاسىن پايدالانۋشىلار ءۇشىن تولەم كارتالارىن تولىقتىرۋ ساتىندە كوميسسيالار الىنبايدى. سول سياقتى Halyk Bank پەن Altyn Bank كليەنتتەرى Halyk+Qazkom بانكوماتتار جەلىسىندە قوس بانكتىڭ كەز كەلگەن بانكوماتىنان ءوز كارتالىق شوتىن تولىقتىرۋدا ەشقانداي ايىرماشىلىق بايقامايتىن بولاتىنىن ايتا كەتۋىمىز كەرەك.
2017 جىلعى 1 شىلدەدە Halyk Bank cash-in فۋنكسياسى بار 559 بانكومات ورناتسا، Qazkom قولما-قول اقشا قابىلداۋ فۋنكسياسى بار 465 قۇرىلعىنى ورناتتى. بۇكىل قازاقستان بويىنشا Qazkom+Halyk ءبىرىڭعاي بانكوماتتار جەلىسىنىڭ قۇرىلعىلار 4659 بىرلىكتى قامتىپ، ەلىمىزدەگى ءاربىر ەكىنشى بانكومات – Halyk+Qazkom جەلىسى بولىپ تابىلادى.
2017 جىلعى 1 شىلدەدەگى كورسەتكىشتەر بويىنشا Halyk Bank جانە Altyn Bank شىعارعان كارتالار سانى – 6 ملن تولەم كارتالارىنان اسقان.
تامىز بويى ىسكە اسىرىلىپ Halyk Bank cash-in فۋنكسياسى بار بانكوماتتار بويىنشا Qazkom كليەنتتەرىنە دە وسىنداي ۇسىنىستاردىڭ جاسالۋى كۇتىلۋدە.
