2024–2025 جىلدارى "IPESOFT Kazakhstan" كومپانيياسى مەملەكەتتٸك ساتىپ الۋلاردا ٷش رەت جەڭٸسكە جەتٸپ, تٶمەن باعا ۇسىنىپ, بارلىق تەكسەرٸستەن ٶتكەن. الايدا ەر جولى تٷرلٸ سەبەپپەن پروتسەسس اياقسىز قالعان, دەپ جازدى Dalanews.kz QUMASH-كە سٸلتەمە جاساپ.
ارنانىڭ جازۋىنشا, الدىمەن كەلٸسٸمشارت "ەتسق جوق" دەگەن ۋەجبەن بٸرجاقتى تەرتٸپپەن بۇزىلعان. كەيٸن سوت بۇل فۋنكتسييانىڭ بولعانىن انىقتادى, ال مەسەلە كومپانيياعا دەمونستراتسييا ٶتكٸزۋ ٷشٸن قاجەتتٸ قولجەتٸمدٸلٸكتەر بەرٸلمەگەنٸنەن تۋىنداعانى بەلگٸلٸ بولدى. بۇل بيۋدجەت قاراجاتىن ٷنەمدەۋگە مٷمكٸندٸك بەرەر ەدٸ. بٸراق ٶكٸنٸشكە قاراي, اقشا ٷنەمدەۋگە مٷمكٸندٸك بەرٸلمەدٸ. ودان كەيٸن كومپانييا قايتادان كونكۋرستى ۇتقانىمەن, "قارجىلاندىرۋدىڭ ٶزگەرۋٸنە" بايلانىستى كەلٸسٸمشارت جاسالماعان. وسى جاعداي بٸرنەشە رەت قايتالانعان.
"2024 جىلدىڭ ناۋرىز ايىندا «ۇلتتىق اقپاراتتىق تەحنولوگييالار» اق-دا (نيت) ٶكٸلەتتٸكتەردٸ تەرٸس پايدالانۋ فاكتٸسٸ بويىنشا قىلمىستىق ٸس قوزعالدى. الايدا تەرگەۋ بٸر جىلدان استام ۋاقىت بويى ٸس جٷزٸندە العا جىلجىماعان. نەتيجەسٸندە مەملەكەت Documentolog جٷيەسٸنە كٶشتٸ, ول «سىيلىق» رەتٸندە بەرٸلگەنٸ ايتىلدى. بٸراق مۇندا بٸر ماڭىزدى جايت بار: بۇل جٷيەنٸ قىزمەت كٶرسەتۋ جەنە دامىتۋ قۇقىعى تەك ونىڭ ەزٸرلەۋشٸسٸنٸڭ قولىندا. ياعني, بٸز الداعى جىلدارعا بٸر عانا جەتكٸزۋشٸگە تەۋەلدٸ بولىپ قالدىق", - دەپ جازادى, QUMASH تەلەگرام-ارناسى.
ولاردىڭ پٸكٸرٸنشە, بۇرىن بۇل جٷيەنٸ 17 ملرد تەڭگەگە ساتىپ الۋ جوسپارلانعان بولسا, ەندٸ شىعىندار ونى تۇراقتى تٷردە سٷيەمەلدەۋگە جۇمسالادى.
