پرەزيدەنت قاسىم-جومارت توقاەۆ اۋىل ەكٸمدەرٸنٸڭ ديالوگ پلاتفورماسىندا سٶز سٶيلەدٸ, دەپ حابارلايدى Dalanews.kz.
مەملەكەت باسشىسى اۋدان ەكٸمٸن سايلاۋدىڭ تيٸمدٸ-تيٸمسٸز تۇستارىن مۇقييات سارالاۋدى تاپسىردى.
"اۋدان ەكٸمدەرٸن سايلاۋعا قاتىستى ەرتٷرلٸ كٶزقاراس بار. بٸرقاتار قوعام قايراتكەرٸ مەن بەلسەندٸ ازاماتتار "اۋدان ەكٸمدەرٸن سايلاۋ قاجەت پە, جوق پا" دەگەن مەسەلەنٸ قايتا قاراۋدى ۇسىنىپ وتىر. بۇل مەسەلەنٸ ەرلان سايروۆ, البەرت راۋ, مارحابات جايىمبەتوۆ باستاعان دەپۋتاتتار دا كٶتەردٸ. ولار ەلدە سايلاۋ تىم كٶبەيٸپ بارا جاتقانىن, جۇرت ساياسي ناۋقانداردان مەزٸ بولا باستاعانىن ايتىپ وتىر. بۇل پٸكٸردٸ اۋىل جەنە اۋدان تۇرعىندارى دا قولداپ جاتىر. سايلاۋ ناۋقاندارى جەرگٸلٸكتٸ جەردە جٷرگٸزٸلۋگە تيٸس ناقتى جۇمىستارعا كەدەرگٸ كەلتٸرۋٸ مٷمكٸن دەگەن پايىمدار دا بار. بۇل پٸكٸرلەردٸ ەسكەرگەن جٶن", - دەدٸ پرەزيدەنت.
بۇعان دەيٸن اۋدان ەكٸمدەرٸن سايلاۋ تەسٸلٸ ارقىلى 52 ەكٸم سايلانعان.
"ەندٸ ولاردىڭ قالاي جۇمىس ٸستەيتٸنٸن قاراپ كٶرۋ قاجەت. اۋدان ەكٸمٸن سايلاۋدىڭ تيٸمدٸ-تيٸمسٸز تۇستارىن مۇقييات سارالاۋ كەرەك. مەسەلە اۋدان ەكٸمدەرٸنٸڭ سايلاۋىن مٸندەتتٸ تٷردە ٶتكٸزۋ ەمەس, باستى ماقسات: بٸز وڭ نەتيجەلەرگە قول جەتكٸزۋٸمٸز كەرەك. ٷكٸمەت جەنە پارلامەنت دەپۋتاتتارى بٸرلەسٸپ, وسى مەسەلەنٸ جان-جاقتى قاراپ, ەدٸلەتتٸ, دۇرىس شەشٸم قابىلداۋى قاجەت. ەڭ باستىسى, ەربٸر رەفورما سالماقتى كٶزقاراسپەن, بايىپپەن جاسالۋى كەرەك", - دەدٸ توقاەۆ.
