ەلورداداعى كۇزەت فيرمالارىنىڭ بىرىنە جەتەكشىلىك ەتەتىن بەرىك قۇسايىنوۆ ەسىمدى ازاماتتىڭ دەنەسى اقمولا وبلىسىنداعى وزەنگە باتقان كولىك ىشىنەن تابىلعان. بۇل تۋرالى وبلىستىق ىشكى ىستەر دەپارتامەنتى باسپا ءسوز قىزمەتى حابارلايدى.

ەسكە سالساق، ەلوردالىق ازامات ءۇش اي بۇرىن دوستارىمەن بالىق اۋلاۋعا شىعىپ كەتكەننەن بەرى تابىلماعان بولاتىن. وعان تيەسىلى Toyota 4Runner اۆتوكولىگى قورعالجىن اۋدانىنا قاراستى العاباس اۋىلىنداعى نۇرا وزەنىنەن تابىلىپتى.

قازىرگى تاڭدا ارنايى ساراپتاما تاعايىندالىپ، ءىستى قۇقىق قورعاۋشىلار قاراستىرىپ جاتىر. كۋاگەرلەر ونىڭ كولىگىنە ءمىنىپ بەلگىسىز باعىتقا قاراي كەتىپ قالعانىن ايتقان. ەسكە سالساق، ول باسقاراتىن “SSS Group” ج ش س فيرماسى ەكسپو-2017 نىساندارىنىڭ قاۋىپسىزدىگىنە جاۋاپ بەرۋمەن اينالىسقان.

ەكسپو-2017 نىساندارىن كۇزەتۋمەن اينالىساتىن “SSS Group” ج ش س فيرماسىنىڭ باسشىسى بەرىك قۇسايىنوۆ 22 ءساۋىر كۇنى ءىز-تۇسسىز جوعالىپ كەتتى. ساعات 19:00-دە ەر ادام ارىپتەستەرىمەن بىرگە سابىندى اۋىلىنا قاراي بالىق اۋلاۋعا كەتىپ، قايتا ورالماعان. بۇعان دەيىن ونىڭ ايەلى دە حالىققا ارنايى ۆيدەو ۇندەۋ جولداپ، كۇيەۋىن تابۋعا كومەكتەسۋلەرىن سۇراعان ەدى.

 

دەرەككوزى: stan.kz