مەجٸلٸس دەپۋتاتى ەرلان سايىروۆ ەليحان سمايىلوۆ ٷكٸمەتٸنٸڭ نە ٷشٸن وتستاۆكاعا كەتكەنٸن تٷسٸندٸردٸ, دەپ حابارلايدى Dalanews.kz.
دەپۋتاتتىڭ ايتۋىنشا, سمايىلوۆ تەك ەكونوميكالىق ستاتيستيكاعا باسىمدىق بەرگەن.
“دەپۋتاتتار ٷكٸمەتكە ەكونوميكانىڭ فۋندامەنتالدى پروبلەمالارى جٶنٸندە ەرقاشان ايتىپ كەلەدٸ. ونداي پروبلەمالار – قازاقستاننىڭ مەملەكەتتٸك قارىزى ارتىپ كەلە جاتىر. ەكٸنشٸ – بيۋدجەتتٸ تولتىرۋعا ۇلتتىق قوردان ٸرٸ-ٸرٸ پرەفەرەنتسييالار بەرٸلدٸ. ەڭ نەگٸزگٸسٸ قازاقستاندا بٸر جىلدىڭ ٸشٸندە كەدەيلەردٸڭ سانى ارتىپ كەتتٸ. ٶتكەن جىلدارى 1 ملن 15 مىڭ ادام بولسا, بيىل 1 ملن 100 ادامعا جەتتٸ. سوندىقتان ٷكٸمەت تەك ەكونوميكامەن, ستاتيستيكامەن اينالىستى”, - دەيدٸ ەرلان سايىروۆ.
ول 2029 جىلعا دەيٸن قازاقستاننىڭ جالپى ٸشكٸ ٶنٸمٸن ارتتىرۋ ٷشٸن كەدەيلەردٸڭ سانىن ازايتىپ, حالىققا جاپپاي كەسٸپكەرلٸكپەن اينالىسۋعا مٷمكٸندٸك جاساۋ قاجەت ەكەنٸن اتاپ ٶتتٸ.
