بۇلتارتپاۋ شاراسىن انىقتاۋ كەزىندە مەملەكەتتىك ايىپتاۋشى باقاۋوۆتى وبلىس اكىمى بولىپ تۇرعاندا قولى ۇزىندىعى مەن وبەكتيۆتى سوت ءىسىن جۇرگىزۋگە كەدەرگى كەلتىرەتىندىكتەن قاماۋعا الۋدى سۇراعان بولاتىن. ءبىراق ول قىزمەتىنەن شەتتەتىلگەننەن كەيىن بۇل ءقاۋىپتىڭ ءمان جويىلدى.
بۇلتارتپاۋ شاراسىن وزگەرتۋدىڭ تاعى ءبىر سەبەبى - باقاۋوۆتىڭ دەنساۋلىعىنىڭ ناشارلاۋى.
وسى جاعدايلاردى، سونداي-اق باقاۋوۆتىڭ پاۆلوداردا تۇراقتى تۇرعىلىقتى جەرى بار ەكەندىگى جانە بۇرىن سوتتالماعانىن ەسكەرە وتىرىپ، تەرگەۋ سۋدياسى بۇلتارتپاۋ شاراسىن قاماۋدان ءۇي قاماققا وزگەرتۋگە بولادى دەپ شەشتى، دەلىنگەن حابارلامادا.
15 قاڭتاردا پاۆلودار وبلىسىنىڭ اكىمى بولات باقاۋوۆتىڭ ۇستالعانى تۋرالى اقپارات پايدا بولدى. كەيىن ونىڭ ۇستىنەن ايماقتاعى جوعارى لاۋازىمدى شەنەۋنىك ارىزدانعانى بەلگىلى بولدى.
16 قاڭتاردا پاۆلودار وبلىسىنىڭ اكىمدىگى باقاۋوۆقا قاتىستى ءىس بويىنشا مالىمدەمە جاسادى، وندا ولار تەرگەۋ ارەكەتتەرى مەن قىلمىستىق ءىستىڭ حابارلامالارىنا تۇسىنىك بەرە المايتىندىعى تۋرالى ايتتى.
17 قاڭتاردا پاۆلودار وبلىسىنىڭ اكىمى بولات باقاۋوۆ قىزمەت بابىن اسىرا پايدالاندى دەگەن ايىپپەن ەكى ايعا قاماۋعا الىندى. بۇگىن، 19 اقپاندا، بۇرىنعى اكىمنىڭ ءۇي قاماۋىنا الىنعانى بەلگىلى بولدى.
