«دامۋ» كاسىپكەرلىكتى دامىتۋ قورى» اق باسقارما ءتوراعاسى قانىش تۋلەۋشين ءماجىلىستىڭ ەسەپ كوميتەتىنىڭ الدىندا ەسەپ بەردى. ءتوراعا 2011-2015 جىلدار ارالىعىندا «دامۋ» قورىنىڭ 134 ملرد تەڭگە تارتقانىن اتاپ ايتتى. ال 2016-2018 جىلداردا قارجىلىق ينستيتۋت تاعى 252 ملرد تەڭگە تارتۋدى جوسپارلاپ وتىر.

- «بۇگىنگى كۇنى ينۆەستيسيالىق جوبالاردى جۇزەگە اسىرۋعا ارنالعان ۇزاق مەرزىمدى قارجىلاندىرۋدا وتىمدىلىك جوقتىعىب ايقالىپ وتىر. ءقازىر ءبىز ازيا دامۋ بانكى، ەقجب، دۇنيەجۇزىلىك دامۋ بانكى سەكىلدى حالىقارالىق قارجى ۇيىمدارىمەن جۇمىس جۇرگىزىپ جاتىرمىز»، - دەدى  «دامۋ» كاسىپكەرلىكتى دامىتۋ قورى» اق باسقارما ءتوراعاسى قانىش تۋلەۋشين.

قانىش تۋلەۋشين «بيزنەستىڭ جول كارتاسى – 2020» ءبىرىڭعاي باعدارلاماسىنىڭ باعىتتارى تۋرالى جەكە-جەكە توقتالدى. جيناقتاپ ايتار بولساق، ءبىرىڭعاي باعدارلاماعا قاتىسۋشى كاسىپكەرلەر 5،1 ترلن تەڭگەنىڭ ءونىمىن شىعاردى. 428 ملرد. تەڭگەنىڭ سالىعىن تولەدى. 216  مىڭ جۇمىس ورنى ساقتالدى. كاسىپورىندار 67،4 مىڭ جاڭا جۇمىس ورىندارىن اشتى.