العاشقى رەيستە ل-410 ۋۆپ-ە20 ۇشاعىنداعى ۇشقان جولاۋشىلار الاكول اۋدانىنا قاراستى "ءۇشارال" اۋەجايىنا كەلىپ قوندى، - دەپ حابارلايدى الماتى وبلىسى اكىمىنىڭ باسپا ءسوز قىزمەتى.
قازىرگى كارانتين رەجيمىنە بايلانىستى اۋەجايدا سانيتارلىق تالاپتار، بەتپەردە رەجيمى قاتاڭ ساقتالعان. مۇندا بارلىق قاۋىپسىزدىك شارالارىن ساقتاي وتىرىپ، الاكول اۋداندىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنىڭ قىزمەتكەرلەرى تاراپىنان ۇشىپ كەلگەن جولاۋشىلاردىڭ دەنە قىزۋلارى تەپلوۆيزورمەن ولشەنىپ، انكەتا تولتىرىلادى.
بۇگىنگى كۇنگە ءتالدىقورعان-ۇشارال-تالدىقورعان باعىتىنداعى ۇشاقتار كۇندەلىكتى ساعات 10.00-11.00، 10.30-11.30-دا قاتىنايدى. بيلەت قۇنى 8.000 تەڭگە.
ال، نۇر-سۇلتان – ءۇشارال – نۇر - سۇلتان جانە الماتى – ءۇشارال - الماتى باعىتتارىنداعى اۋە رەيستەرى بيىلعى جىلدىڭ 20 مامىرىنان باستاپ ۇشادى.
